د روزګان پخوانی والي محمدعلي جان احمد وايي چې دغه ولایت کې یې د یونیم کال ماموریت پر مهال ۴۰ کانونه تثبیت کړي دي.
محمدعلي جان احمد تازه د سرحدونو او قبایلو چارو وزارت د جرګو، اقوامو او قبایلو د هماهنګۍ مرستیال توګه ټاکل شوی دی.
د سرپرست حکومت ستره محکمه وايي چې په جوزجان کې یې پر یوه کس د قصاص حکم پلی کړی دی.
سترې محکمې نن دوشنبه د کب اوومه پر اېکسپاڼه ویلي چې د قصاص دغه حکم یې د جوزجان په ورزشي سټدیوم کې د ګڼشمېر خلکو پر وړاندې پر مجرم پلی کړی.
د افغانستان بانک وايي چې د روانې اوونۍ د سهشنبې پر ورځ «کب، اتمه» به «۱۷» میلیونه امریکايي ډالر د لیلام په توګه بازار ته وړاندې کړي.
د افغانستان بانک نن (دوشنبه، د کب اوومه) پر اېکس شبکه «ټوېټرپاڼه» لیکلي چې د «افغانۍ» ارزښت ساتنې او ثبات لپاره به سبا سهشنبه «۱۷» میلیونه امریکايي ډالر لیلام کړي.
د لوګر د کلیو پراختیا او بیارغونې ریاست چارواکي وايي چې د خوړو نړیوال پروګرام (WFP) له لوري په برهکي برک او څرخ ولسوالیو کې پر شاوخوا ۱۳۵۰ بېوزله او اړو کورنیو خوراکي توکي وېشل شوي دي.
ټاکل شوې سبا دوشنبه د فبرورۍ ۲۶مه د ملګروملتونو امنیت شورا د دغه سازمان د سرمنشي انتونیو ګوترېش او د دغې شورا د غړیو په ګډون، د افغانستان لپاره د ځانګړي استازي پر ټاکل کېدو غونډه وکړي.
د لوګر د صنعت او سوداګرۍ ریاست چارواکي وایي چې د تېرکال پرمهال یې د ۳۵۰میلیونه افغانیو په ارزښت توکي صادر کړي چې د تېر کال په پرتله ۱۵سلنه زیاتوالی ښيي.
د جوزجان د اطلاعاتو او فرهنګ ریاست په یوې خبرپاڼه کې ویلي، ټاکل شوې چې سبا «دوشنبه د کب اوومه» دغه ولایت کې د «قصاص حکم» پلی شي.
دغه ریاست د جوزجان له ټولو اوسېدونکو غوښتنه کړې چې له برښنايي وسیلو «موبایل، کامره..» پرته دې د قصاص ځای ته ورشي.
د میدانوردګ امنیه قومنداني چارواکي وایي چې د دغه ولایت د ټرافیکو مدیریت له لوري هغه لسګونه موټر نیول شوي چې چلوونکو یې لایسنس نهدرلود.
لوګر کې د شهیدانو او معلولانو چارو ریاست چارواکي وايي، شاوخوا ۱۸۰۰خیالي معلولین یې تثبیت کړي او پرځای یې نور مستحق کسان ثبت شوي دي.
د بهرنیو چارو سیاسي مرستیال شېرمحمد عباس ستانکزی وايي چې ډیورنډ کرښه پاکستان پورې تړاو نهلري او په دې اړه د پاکستاني چارواکو څرګندونې د منلو وړ نهدي.
نوموړي کابل کې له یوې دیني مدرسې د نجونو فراغتغونډې ته د وینا پر مهال وویل چې ډیورنډ له انګرېزانو پاتې یوه کشاله ده چې پاکستان پورې تړاو نهلري.
د افغانستان بهرنیو چارو وزارت سرپرست امیرخان متقي د یوه پلاوي په مشري د ترکمنستان په بلنه دغه هېواد ته تللی دی.
د بهرنیو چارو وزارت د ویاند مرستیال حافظ ضیااحمد تکل نن یکشنبه، کب پنځمه پر اېکسپاڼه لیکلي چې متقي او ورسره مل پلاوي د ترکمنستان د بهرنیو چارو وزیر رشید مُردوف په بلنه یاد هېواد ته سفر کړی دی.
د افغانستان په چارو کې د امریکا ځانګړي استازي توماس وېسټ د افغانستان په اړه د دوحې غونډې د جزییاتو په خپرولو سره ویلي، دغه غونډه کې له افغانستانه بیاځلې د ترهګرۍ ګواښونو نه رامنځته کېدو، زدهکړو او کار ته د ښځو او نجونو بیرته ورګرځېدو او د اقتصادي او بشري مرستو وړاندې کولو لپاره اجماع موجوده وه.
هرات کې یوشمېر مېرمنې وايي چې هېواد کې له کار د ښځو مخنیوي وروسته، له رواني فشارونو د خلاصون او د عوایدو سرچینو رامنځته کولو په موخه یې کوچنیو کارونو ته مخه کړې. په دې مېرمنو کې له شپږم ټولګي پورته نجونې زدهکوونکې او ښځینه زدهکړیالانې هم شاملې دي.
د روزګان په چهارچینو او خاص روزګان ولسوالیو کې د ۱۵ میلیونه افغانیو په ارزښت، ۱۵۰۰ کورنیو سره د خوراکي توکو مرسته شوې.
د یاد ولایت د والي ویاند احسانالله حماس سلاموطندار ته وايي چې دغه مرسته د «اومه خیریه بنسټ» له لوري د چهارچینو او خاص روزګان ولسوالیو بېوزله، یتمانو او هغو کونډو سره شوې چې د کورنۍ سرپرست نهلري.
بلخ کې چارواکي وايي چې د عربي متحده اماراتو له دوبۍ څخه د هوا له لارې د بلخ مزارشریف ښار ته ۱۶ټُنه سوداګریز توکي رالېږدول شوي دي.
د مولانا جلالالدین محمدبلخي هوايي ډګر مسوولانو وايي، دغه سوداګریز توکي د یوې الوتکې په مرسته مزارشریف ته لېږدول شوي.
د افغانستان د بهرنیو چارو وزارت سرپرست امیرخان متقي وايي چې د دوحې ناسته یې له نږدې څارلې او ځانګړې پایلې یې نهدرلوده.
متقي دغه څرګندونې پنجشنبه، کب درېیمه افغانستان کې د ملګروملتونو سیاسي استازولي «یوناما» مشرې روزا اوتنبایوا سره د لیدنې پر مهال کړې دي.
