د سعودي عربستان جدي ښار کې د امریکا قونسلګرۍ مخې ته د ډزو په پایله کې یو وسلهوال او د قونسلګرۍ یو ساتونکی وژل شوي دي.
سعودي عربستان او امریکايي چارواکو دغه پېښه تایید کړې او په اړه یې د څېړنې د پیل خبر ورکړی دی.
په جنین ښار کې د کډوالو پر یوه کمپ کې د اسراییلو ځواکونو په برید کې درې فلسطینیان وژل شوي او ۲۹ نور ټپیان دي.
د ۲۰۲۳ کال یو ورځنیو سیالیو نړیوال جام ته د لارموندنې سیالیو په لړ کې نن له «بي» ګروپ څخه سریلانکا د عربي متحده اماراتو او ایرلنډ له عمان سره لوبه کوي.
ټاکل شوې چې دواړه لوبې نن ۱۱:۳۰بجې په کوینز سپورټ کلب او بولاوایو اټلاټیک کلب لوبغالو کې پیل شي.
د کاناډا د منیټوبا په پرېري ولایت کې پرون پنجشنبه د جون ۱۵مه د یوه بس او ټېلر موټرو د ټکر له امله امله ۱۵ کسان مړه شوي دي.
د کاناډايي رسنیو د راپورونو له مخې، یاد بس موټر کې ۲۵ کسان سپاره وو چې د ټکر له کبله ۱۵ مړه او لس نور یې ټپیان شوي دي. د راپورونو پر بنسټ، بس موټر کې سپاره کسان تر ډېره عمرلرونکي کسان وو.
اوکراین وايي چې د روسیې ضد بریدونو کې یې د دغه هېواد په سوېل ختیځ کې له روسي ځواکونو څخه څلور کلي بېرته نیولي دي.
اوکراین په سوېل او ختیځ کې د روسیې له لوري د نیول شویو سیمو کې بېرته ترلاسه کولو لپاره پراخ تعرضي بریدونه پیل کړي دي.
د اسټرالیا په نیو ساوټوېلز ایالت کې د واده یوه موټر چپهکېدو له امله لس کسان مړه او ۲۵ نور ټپیان شوي دي.
پېښه بېګاه ۱۱:۳۰ بجې ګرېټا ښارګوټي کې رامنځته شوې ده. دغه سیمه د انګورو باغونو او د ودونو مراسمو لپاره مشهوره بلل کېږي. یاد بس موټر کې سپاره کسان د یوه واده مراسمو څخه بېرته خپلو کورونو ته روان وو.
د چیچنیا ولسمشر رمضان قدیروف وايي چې ډېر ژر به هغه پوځي تجهیزات او ټانکونه له اوکراین د نیول شوې سیمې ماریوپل په «ازوستال» کارخونه کې اوبه کړي چې لوېدیځو دغه هېواد ته ورکړي دي.
د کولمبیا په امازون ځنګل کې د یوې کوچنۍ الوتکې له لوېدو ۴۰ ورځې وروسته څلور ماشومان ژوندي موندل شوي دي.
د کولمبیا پوځ او د سیمې اوسېدونکو دغه ماشومان د کاکویټا او ګوویر ولایتونو ترمنځ په امازون ځنګل کې له څه باندې پنځو اوونیو وروسته موندلي دي.
د روسیې د دفاع وزارت وايي چې په تېره یوه شپه او ورځ کې یې دونېڅک کې د اوکراین تر ۲۰۰ پوځیان وژلي او د دغه هېواد د پوځ ګڼشمېر پوځي وسایل او وسایط یې لهمنځه وړي دي.
د هند په شمال ختیځ اودیسا ایالت کې د رېل ګاډو د ټکر له امله څه باندې ۲۸۸ کسان وژل شوي او له ۱۰۰۰ ډېر ټپیان شوي دي.
د افغانانو پر وژنه تورن اسټرالیايي سرتیري نن پنجشنبه د جون لومړۍ نېټه د اسټرالیا د درېوو ورځپاڼو له لوري پر نوموړي شوې دعوه وبایلله.
د روسیې ولسمشر ولاديمیر پوتین پر مسکو د اوکراین د بېپيلوټه الوتکو بریدونو ته غبرګون ښودلی او دغه برید یې ترهګریز بللی دی.
یوشمېر روسیي رسنیو پرون سهشنبه د مې ۳۰مه راپور ورکړی چې د اوکرایني ځواکونو له لوري پر پلازمېنه مسکو د بېپېلوټه بریدونو په غبرګون کې د یاد هېواد ولسمشر ولادیمیر پوتین دغه کار تروریستي عمل بللی دی.
ګوجرات ټایټنز او د چینای سوپر کنګز لوبډلې نن د هند کرېکټ غوره لیګ یا ایپياېل په پایلوبه کې د یوه بل پر وړاندې لوبېږي.
ټاکل شوې چې دغه لوبه نن ۶:۳۰ بجې د احمداباد په نرېندرا مودي نړیوال لوبغالي کې ترسره شي.
د پاکستان د خېبرپښتونخوا ایالت اړوند د ډېرهاسماعیل خان په چهکان سیمه کې د دغه هېواد د پوځ د موټرو پر کاروان د چاودنې له کبله ۲۳ سرتیري ټپیان شوي دي.
پاکستاني رسنیو نن شنبه د مې ۲۷مه سیمه کې د پولیسو له قوله راپور ورکړی چې چاودنه «نن شنبه د مې میاشتې ۲۷مه» د پوځ د موټرو کاروان سره نږدې شوې او ښايي ځانمرګی برید وي.
د هند د کرېکټ غوره لیګ یا ایپياېل سیالیو په لړ کې نن د لکناو سوپر جاینټز لوبډله له ممبی انډیینز سره د یاد لیګ په لومړۍ الېمېنېټور سیالي کې لوبه کوي.
ټاکل شوې چې دغه سیالي نن ماښام ۶:۳۰ بجې د چینای د «اماې چېډمبارام» لوبغالي کې ترسره شي.
د پاکستان د خېبرپښتونخوا ایالت اړوند شمالي وزیرستان کې د یوه ځانمرګي برید له کبله د یوه ملکي کس په ګډون درې پوځیان وژل شوي دي.
پاکستاني رسنیو نن چهارشنبه د مې ۲۴مه راپور ورکړی چې پېښه نن د شمالي وزیرستان د دتهخېلو سیمو کې د امنیتي ځواکونو پر یوه چکپواینټ د ځانمرګي برید له امله رامنځته شوې ده.
