کابل کې یوشمېر ځوانانو د خلکو ترمنځ د مطالعې فرهنګ دودولو او په موځه د کتابونو پنځه ورځنی نندارتون جوړ کړی دی.
د دغه نندارتون جوړونکي وايي، هڅه کوي چې د نجونو، مېرمنو او ځوانانو ناهیلي شوي ذهنونه په مطالعې سره بوخت کړي.
افغانستان کې د ۱۴۰۲ ښوونیز کال له پیل سره هممهاله د امریکا د بهرنیو چارو وزیر انټوني بلنکېن ویلي چې د بشر حقونو نقض او د نجونو پر مخ د زدهکړو ځنډېدو دوام به له اسلامي امارت سره د اړیکو عادي کول ناشونې کړي. بلخوا کارپوهان وايي چې د ښځو پر وړاندې د اسلامي امارت د اوسني چلن دوام به افغانان لا پسې اغېزمن کړي.
د ننګرهار امنیتي مسوولان وايي چې دغه ولایت کې یوه کس خپله مېرمن وژلې او درې اولادونه یې ټپیان کړي دي.
د فاریاب مرکز میمنې ښار کې سرچینې سلاموطندار ته وايي چې ناپېژنده وسلهوالو دغه ولایت کې د یوه جومات خطیب نورمحمد بیدکي وژلی دی.
د سرچینې په وینا، پېښه سهشنبه د وري لومړۍ د میمنې ښار د اتمې امنیتي حوزې اړوند «تورپاختو» سیمه کې رامنځته شوې ده.
پېښو ته د رسېدو په چارو کې د دولت وزارت مسوولان وايي چې د بېګاه شپې زلزلې د هېواد په یوشمېر ولایتونو کې د مالي زیانونو سربېره ځاني زیانونه هم اړولي دي.
د یاد وزارت ویاند شفېعالله رحیمي نن (چهارشنبه د ۱۴۰۲ وري دویمه) رسنیو ته په لېږلي ویډیويي کلپ کې ویلي چې د بېګا شپې زلزلې له امله څه باندې ۵۰ کسان مړه او ټپیان شوي دي.
د جوزجان امنیتي مسوولان وايي چې دغه ولایت کې ناپېژنده وسلهوالو یو ۵۰کلن کس په ډزو وژلی دی.
د جوزجان د امنیې قومنداني د جنایي مدیریت د کشف امر شمسالله وثیق سلاموطندار ته وايي چې پېښه پرون سهشنبه د شبرغان ښار اړوند سیمه کې رامنځته شوې ده. نوموړي ټینګار کړی چې د یادې پېښې په تړاو اوسه څوک نه دي نیول شوي، خو په وینا یې چې د عاملانو د نیولو هڅې روانې دي.
دایکندي کې محلي سرچینې سلاموطندار ته وايي چې پرون سهشنبه د وري په لومړۍ نېټه د یاد ولایت شهرستان ولسوالي «تګابلور» کلي کې یوې نجلۍ ځانوژنه کړې ده.
اروپايي ټولنې په تازهګۍ سره ویلي، افغانستان کې د بشريحقونو نقض له امله به د ا.ا پر چارواکو نور بندیزونه هم ولګوي.
اروپايي ټولنې د یادو بندیزونو په اړه وضاحت نه دی ورکړی او دا یې هم نه دي ویلي چې دغه بندیزونه به په کومو برخو کې وي، خو ټينګار یې کړی چې بندیزونه به یوازې د ا.ا پر چارواکي ولګول شي او د افغانانو اقتصاد به اغېزمن نه کړي.
په داسې حال کې چې د میلیونونو افغانانو د ژوند دوام د نړیوالې ټولنې بشردوستانه مرستو پورې تړاو لري، د ملګروملتونو د خوړو نړیوال سازمان یوې خبرپاڼه کې ویلي، د بودیجې کمښت له امله به راتلونکې اپرېل میاشت کې افغانستان کې اړمنو ته د مرستو رسول محدود کړي.
د افغاني سرې میاشتې ټولنې مسوولانو کابل کې یوې خبري غونډې ته وویل، د روانۍ اوونۍ د پنجشنبې پر ورځ به ۸۰ هغه ماشومان چې سوځېدلي او هډوکي یې مکروبي شوي، د درملنې لپاره المان ته ولېږدوي.
د افغاني سرې میاشتې ټولنې ویاند عرفانالله شرفزوی وویل، د دغو ماشومانو عمرونه له یوه کال څخه تر ۱۱ کلونو پورې دي.
د افغانستان کرېکټ بورډ د پاکستان پر وړاندې د درېوو شل اووره سیالیو لپاره د ملي لوبډلې د لوبغاړو نوملړ اعلان کړ.
د افغانستان بانک وايي چې سبا چهارشنبه د وري میاشتې دویمه نېټه به «۱۵» میلیونه امریکايي ډالر د لیلام په توګه بازار ته وړاندې کوي.
د افغانستان بانک نن (سهشنبه د ۱۴۰۲ د وري لومړۍ) پر خپله ټوېټرپاڼه لیکلي چې د «افغانۍ» ارزښت ساتنې او ثبات لپاره به سبا چهارشنبه «۱۵» میلیونه امریکايي ډالر لیلام کړي.
د سترې محکمې مسوولانو نن (سهشنبه د ۱۴۰۲ کال د وري لومړۍ) کابل کې د یوې خبري ناستې پر مهال وویل چې هېواد کې یې د شرعي قبالو د وېش بهیر پیل کړی دی.
د سترې محکمې د مسوولانو په وینا، د نویو شرعي قبالو په تړاو یې په (۲۹) مادو کې یو طرزالعمل جوړ کړی چې د ا.ا د کابینې له لوري هم تصویب شوی دی.
افغانان داسې مهال د اسلامي امارت تر واکمنۍ لاندې دویم لمریز کال پیلوي چې لا هم د افغانستان اوسنی حکومت د نړیوالې ټولنې له لوري په رسمیت نه دی پېژندل شوی. یوشمېر کارپوهان وايي چې د نړیوالې ټولنې لهخوا د اوسني حکومت په رسمیت نه پېژندل او دوام یې لامل شوي چې افغانان زیان وویني.
د کورنیو چارو وزارت مسوولانو نن دوشنبه د کب ۲۹مه کابل کې د یوې خبري ناستې پر مهال وویل چې د ۱۴۰۱ کال له پیل راهیسې تراوسه په ټول هېواد کې ۱۱زره او ۸۹۰ جرمي پېښې رامنځته شوي دي. د یاد وزارت د مسوولانو په وینا، د دغو پېښو په تړاو ۱۶زره او ۶۵۸ کسان هم نیول شوي دي.
یونېسف نن دوشنبه د کب ۲۹مه پر خپله ټوېټرپاڼه سوېلي اسیا کې د یادې ادارې د خوار ځواکۍ برخې سلاکار زیوايي موریرا یو ویډیويي پیغام خپور کړی چې نوموړي پهکې ویلي، افغانستان کې ۸۰۰زره ښځې او نجونې خوارځواکۍ سره مخ دي. نوموړی په دې ویډیويي پیغام کې وايي، دغه شمېر ښځو او نجونو کې د خوارځواکۍ د پېښو ۵۰سلنه زیاتوالی ښيي.
