د لوګر پوهنې ریاست چارواکي وایي چې د دغه ولایت په مرکز پلعلم او ټولو ولسوالیو کې پر ۲۷۶ دولتي ښوونځیو د پوهنې وزارت له لوري د نویو چاپ شویو کتابونو د وېش بهیر پيل شوی دی.
د پوهنې ریاست ویاند شاهپورعرب سلاموطندار ته ویلي چې دا ۳۲۳زره تازه چاپ شوي کتابونه د پوهنې وزارت له لوري د لوګر له ښوونځيو سره مرسته شوي چې نن یې د وېش بهیر پیل شو.
سلاموطندار پر فېسبوک وڅارئ
عرب زیاته کړه، دغه کتابونه د ۱۵میلیونه افغانیو په مالي لګښت چاپ شوي چې د نوي ۱۴۰۳ ښوونیز کال له پيل سره سم به د ښوونځيو له لومړي ټولګي څخه تر دولسم ټولګیو پورې پر زدهکوونکو ووېشل شي.
د یاد ولایت پوهنې ریاست اړوند ښوونځيو ښوونکي او زدهکوونکي هم خوښ دي چې د پوهنې وزارت له لوري له ښوونځيو سره د نویو چاپ شویو کتابونو مرسته شوې.
سلاموطندار پر اېکس هم وڅارئ
د لوګر دولتي ښوونځيو باندې دغه نوي چاپ شوي کتابونه وېشل کېږي چې تېره اوونۍ د یونېسف له لوري د شاوخوا ۱۹میلیونه افغانیو په لګښت د دولتي ښوونځيو له ۱۲۰۰ ښوونکو او ۵۵ زره زدهکوونکو سره د درسي توکو مرسته شوې وه.