د امریکا ولسمشر جو بایډن ایران کې د حکومت پر وړاندې د اعتراضونو په دوام ویلي چې ایران ازادېږي.
بایډن دا خبرې د پنجشنبې ورځ د امریکا په کلیفورنیا ایالت کې یوې ټاکنیزې غونډې ته د وینا پر مهال کړې دي. ګڼشمېر معترضو ایرانیانو هم په دې غونډه کې ګډون کړی و.
جو بایډن ویلي: «اندېښنه مه کوئ، ایران به ازادوو. هغوی [معترضان] به خپله ایران ازاد کړي.»
د امریکا ولسمشر که څه هم په ښکاره د ایران د ازادېدو په اړه خوشبیني ښودلې، خو نهدي یې ویلي چې د دغه هېواد د حکومت پر وړاندې به کوم اقدامات وکړي.
د سلاموطندار پښتو فېسبوکپاڼه وڅارئ
سپینې ماڼۍ او د امریکا د ملي امنیت شورا تر اوسه په رسمي ډول د جو بایډن د خبرو په اړه څه نهدي ویلي.
