د تخار تالقانو ښاروالي په تالقان ښار کې د نیالګیو کېنولو کمپاین پیل کړ چې له مخې به یې، دې کمپاین کې ۶۰۰۰ نیالګي کېنول شي.
د تالقان ښاروال نقیبالله محمدالله په دې اړه جوړو شویو مراسمو ته وویل چې د نیالګیو کېنول، د هوا ککړتیا مخه نیسي او په وینا یې، د طبیعت د ښکلا، زرغونتیا او د چاپېریال ساتنې لامل کېږي.
د خوست د عامې روغتيا رياست مسوولان وايي، په دغه ولايت کې يې د يونيسف په مالي لګښت او د هدف موسسې په تخنيکي همکاري د اوسپنې، پوليک اسید او منرالونو د ورکړې درېورځنی کمپاين پيل کړی دی.
د خوست د عامې روغتيا رياست مرستيال عبدالرحمان زاهد وايي، ياد کمپاين پرون شنبه پيل شوی او درې ورځې به دوام وکړي.
په هرات کې د شنبې ورځې خونړۍ زلزلې او له کبله یې اوښتې مرګژوبلې او زیانونو د هېواد په دننه او بهر کې افغانان اړ کړل چې له زلزلهځپلیو سره د مرستې را ټولولو کمپاین پیل کړي.
د کابل ښار د پروان هوټل سیمه کې د مرستې را ټولولو مسوول فهیم او د کابل ښار په نجارانو کلا کې د د مرستې را ټولولو مسووله نفیسه وايي، د هرات له زلزلهځپلیو سره د مرستې په موخه یې د پلازمېنې کابل په بېلابېلو برخو کې له لسو ډېر کمپاینونه پیل کړي او په وینا یې، را ټولې شوې مرستې به هرات ته ولېږدوي.
د عامې روغتیا وزارت وايي، د هېواد په پنځو نورو ولایتونو کې یې هم د ګوزڼ ضد واکسین کمپاین پیل کړی دی. د دغه وزارت د ګوزڼ واکسین د پلي کېدو څانګې مسوول ډاکټر نېکولي شاه سلاموطندار ته ویلي چې دغه کمپاین یې په سمنګان، فاریاب، بلخ، جوزجان او سرپل ولایتونو کې پیل کړی او څلور ورځې به دوام وکړي.
د ګوزڼ ضد واکسین کمپاین نن د کابل په ګډون د هېواد په ۲۸ ولایتونو کې پیل شو. د عامې روغتیا وزارت ویاند شرافت زمان امرخېل وايي، د ګوزڼ ضد واکسین دغه پړاو چې څلور ورځې دوام کوي، کور په کور او جومات په جومات پلی کېږي. هغه زیاتوي چې د دغه کمپاین پر مهال به یوولس میلیونه ماشومان چې له پنځو کلونو کم عمر لري، واکسین شي.
یوشمېر مدني او ټولنیزو فعالانو نن (د چنګاښ دولسمه، د دوشنبې ورځ) پر ټویټر د «#نجونوـزدهکړوـمليـکمپاین» پیل کړ. د دغه کمپاین مسوولان وايي چې یاد کمپاین یې د نجونو پر زدهکړو د لګېدلیو بندیزونو د لرې کولو په موخه پیل کړی او په وینا یې، له زدهکړو د نجونو لرې ساتل نور د زغم وړ نهدی. د یاد کمپاین یو جوړوونکی خوشحال روهي سلاموطندار ته وویل چې زدهکړې د نجونو بنسټیز حق او د ټولو افغانانو غوښتنه ده.
له هغه وروسته چې په یوشمېر ولایتونو کې د کانګو ناروغي د خپرېدو په اړه اندېښنې زیاتې شوې، د کرنې، اوبو لګولو او مالدارۍ وزارت د دې ناروغي د خپرېدو مخنیوي په موخه د کابل ښار د څارویو د پېر او پلور بازارونو کې له مېکروبونو د څارویو ساتلو کمپاین پیل کړی دی.
د عامې روغتیا وزارت مسوولان وايي، نن دوشنبه د کابل، ننګرهار، کونړ، لغمان او نورستان په ګډون، د هېواد په ۲۳ ولایتونو او ۲۱۷ ولسوالیو کې د ګوزڼ ضد واکسین کمپیان پیل شوی چې او په درېوو ورځو کې به څه باندې شپږ میلیونه ماشومان واکسین شي.
په روان زېږدیز کال کې د ګوزڼ ناروغي د واکسین د کمپاین درېیم پړاو نن (د غويي ۲۴مه، د یکشنبې ورځ) په هرات کې پیل شو. د هرات د عامې روغتیا ریاست مرستیال آصف کبیر سلاموطندار ته ویلي چې یاد کمپاین ملاتړکوونکی دی او پر مهال به یې د هرات ښار په ګډون، د شینډنډ ولسوالي او په مسلخ او شیدايي کمپونو کې د کورنیو بېځایه شویو ماشومان واکسین شي.
کابل ښاروالي نن د کابل ښار په کچه د نیالګیو کېنولو یو میاشتنی کمپاین پیل کړ چې پر مټ به د پلازمېنې په بېلابېلو سیمو کې مثمر او غیر مثمر نیالګي کېنول شي.
د عامې روغتیا وزارت مسوولان وايي چې د روزګان ګېزاب ولسوالي کې د واورو ورښت او لارو بندېدو له کبله ماشومان د پولیو ضد واکسین کپماین څخه پاتې شول.
د کابل ښاروالي پرون جمعه د مرغومې دویمه د پلاسټیکي کڅوړو د نه استفادې په موخه (پلاسټیکي کڅوړو ته نه ووایاست) تر عنوان لاندې اوونیز کمپاین پیل کړ.
د کابل ښاروالي ویاند نعمتالله بارکزی وايي، د دې کمپاین څخه یې موخه د چاپېریال ساتنه او د هوا د ککړتیا مخنیوی دی.
د عامي روغتیا وزارت مسوولانو ویلي، د افغانستان په ۲۶ ولایتونو کې يې د پولیو ضد واکسین کمپاین پیل کړی چې څلور ورځې به دوام وکړي.
د امریکا ولسمشر جو بایډن ایران کې د حکومت پر وړاندې د اعتراضونو په دوام ویلي چې ایران ازادېږي. بایډن دا خبرې د پنجشنبې ورځ د امریکا په کلیفورنیا ایالت کې یوې ټاکنیزې غونډې ته د وینا پر مهال کړې دي. ګڼشمېر معترضو ایرانیانو هم په دې غونډه کې ګډون کړی و.
یوه نوموتي افغان سندرغاړي فرهاد دریا له هغه وروسته چې افغانستان کې له شپږم ټولګي د پورته نجونو د ښوونځیو تړل کېدو ۴۰۰ ورځې تېرې شوې، د دغو ښوونځیو د پرانېستو لپاره کمپاین پیل کړ.
هغه وايي، د کمپاین موخه یې افغانستان کې د ټولو نجونو پر مخ د ښوونځیو پرانېستل کېدل او د دې لپاره غږ اوچتول دي.
د کرنې، اوبولګولو او مالدارۍ وزارت نن د هېواد پنځو مرکزي ولایتونو کې د لمپيسکېن ناروغۍ پر وړاندې څارویو ته د واکسین د تطبیق کمپاین پیل کړ.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
