د سرپل د امنیې قومانداني ویاند دینمحمد نظري سلاموطندار ته ویلي چې د دغه ولایت د سوزمهکلا ولسوالي د جرمنکلا سیمې اوسېدونکي صدرالدین خپله کوژدنه او د هغې مور په چاکو وهلي او وژلي دي.
د سلاموطندار پښتو فېسبوکپاڼه وڅارئ
د نوموړي په وینا، دا پېښه د سرپل د سانچارک ولسوالي په فرشقان سیمه کې شوې ده. هغه زیاتوي: «د دې وژنې لامل او انګېزه له پردیو سره د وژل شویو کسانو نامشروع اړیکې بلل شوې دي.»
د سرپل د امنیې قومانداني ویاند وايي چې قاتل د خپلې کوژدنې او خواښې له وژلو وروسته تښتېدلی، خو په خبره یې، د نیولو لپاره یې هڅې روانې دي.
په همدې حال کې د سانچارک ولسوالي اوسېدونکي وايي چې دا پېښه د سلواغې په ۲۵مه، د روانې اوونۍ د سهشنبې په ورځ شوې ده.
دا داسې مهال ده چې د سرپل اوسېدونکي په دغه ولایت کې د جنايي جرمونو د زیاتېدو په اړه اندېښنه ښيي او شکایت کوي چې مخه یې نه نیول کېږي.
د یادونې ده چې تر دې مخکې هم په یوشمېر ولایتونو کې دې ته ورته پېښې شوي او لامل یې هم کورنی تاوتریخوالی، بېوزلي، وزګارتیا او اقتصادي ستونزې ښودل شوې دي.
