د خوست امنیتي مسوولان وايي چې نن د اختر په لومړۍ ورځ په دغه ولایت کې یوې ټرافیکي پېښې یو کس مړ کړی او دوه نور یې ټپیان کړي دي. نن د افغانستان په ګډون، په ډېری هېوادونو کې د کوچني اختر لومړۍ ورځ ده.
د سلاموطندار پښتو فېسبوکپاڼه وڅارئ
دا پېښه هم نن جمعه، سهار لس بجې د خوست د ګربزو ولسوالي په علیدایه سیمه کې شوې ده.
د خوست د امنیې قومانداني ویاند مستغفر ګربز وايي، په دې پېښه کې یو موټرسایکل چې درې کسان پرې سپاره وو، له یوه موټر سره ټکر کړی دی.
د یادونې ده چې د تېر یوه کال پر مهال د هېواد په بېلابېلو ولایتونو کې ټرافیکي پېښې زیاتې شوي چې له کبله یې ګڼشمېر هېوادوالو ته مرګژوبله هم اوښتې ده. د ډېری ټرافیکي پېښو لامل د موټرچلوونکو بېغوري او ګړندی تګ په ګوته کېږي.
