د بدخشان محلي مسوولان وايي چې په دغه ولایت کې یې د یوه ځانمرګي برید مخه نیولې ده.
د سلاموطندار پښتو فېسبوکپاڼه وڅارئ
د بدخشان د اطلاعاتو او کلتور رییس معزالدین احمدي وايي، د ا.ا ځواکونو نن سهار شاوخوا اتهنیمې بجې د دغه ولایت په مرکز فیضاباد ښار کې د کابل بانک دروازه کې یو ځانمرګی بریدګر موخې ته له رسېدو مخکې وژلی دی.
د نوموړي په وینا، په دې پېښه کې له ځانمرګي بریدګر پرته چا ته زیان نهدی رسېدلی.
تر اوسه کوم چا یا وسلهوالې ډلې د دغه ځانمرګي بریدګر د موخې او وژل کېدو پخلی نهدی کړی.
د یادونې ده چې دوه میاشتې مخکې هم د بدخشان د امنیې قومانداني ودانۍ ته نږدې په یوه چاودنه کې د دغه ولایت د امنیه قوماندان عبدالحق ابوعمر په ګډون درې کسان ووژل شول او دوه نور ټپیان شول.
داعش وسلهوالې ډلې هغه مهال د دې پېښې مسوولیت پر غاړه واخیست.
