د لوګر محمداغې ولسوالۍ کې د کرکټ يو معیاري لوبغالی جوړېږي

IMG-20201201-WA0029

 

د لوګر ولایت سیمه‌ییز چارواکي وایي، محمد اغې ولسوالۍ کې د کرکټ معياري لوبغالی جوړېږي. دغه لوبغالی د يادې ولسوالۍ ادارې ته څېرمه په ۳۰ جریبه ځمکه کې د ۶۸ میلیونه افغانیو په مالي لګښت د یوه کال په ترڅ کې جوړ او ګټې اخیستنې ته سپارل کېږي.

د دغه لوبغالي په ودانۍ کې جومات، د کرکټ اکاډمۍ، احاطوي دېوال، له ۴ تر ۵ زره نندارچیانو لپاره ځای شامل دي.

د لوګر د محمداغې ولسوال عصمت الله ستانکزي سلام‌وطندار ته وویل، په محمداغه کې د کرکټ لوبغالي له جوړېدو سره به له دغه لوبغالي له دغه ولایت سربېره د پلازمېنې کابل او یو شمېر ګاونډيو ولایتونو د کرکټ لوبډلې هم ګټه پورته کړي.

له دې سره د لوګر ولایت اوسېدونکي او د کرکټ مينه‌وال خوښ دي او د دغه ولایت له رهبرۍ مننه کوي چې په محمداغې ولسوالۍ کې یو معیاري لوبغالی جوړوي.

دوي زیاتوي چې د دغه لوبغالي له بشپړېدو سره به ځوانان بېرته وکولای شي چې کرکټ لوبې ته دوام ورکړي چې د لوبغالي له نشته يې پرېيښې وې.

دا په داسې حال کې ده چې تېره اوونۍ هم د افغانستان د کلیو پراختیا او بیارغونې وزارت له لوري د ۷۰۲ میلیونه افغانیو په مالي لګښت ۲۵۷ ټولګټې پروژې بشپړې او ګټې اخیستنې ته وسپارل شوې.

 

مرتبط با این خبر:

به اشتراک بگذارید:
به اشتراک گذاری بر روی facebook
به اشتراک گذاری بر روی twitter
به اشتراک گذاری بر روی telegram
به اشتراک گذاری بر روی whatsapp
به اشتراک گذاری بر روی email
به اشتراک گذاری بر روی print
اخبار و تحلیل‌های مرتبط

اخبار و گزارش‌های سلام وطن‌دار را از شبکه‌های اجتماعی دنبال کنید:

فیسبوک

توییتر

تلگرام