د خوست کرېکټ امریت مسوولان وايي چې له پاکستانه د راستنو شویو افغانانو په ویاړ یې دغه ولایت کې د کرېکټ سیالۍ پیل کړې.
یادې سیالۍ نن سهشنبه د لړم ۳۰مه د خوست مرکزي لوبغالي کې د دولس لوبډلو ترمنځ پیل شوي چې لس ورځې به دوام وکړي.
د خوست کرېکټ امریت ویاند علي اکبر سمون سلاموطندار ته ویلي چې په دې لوبو کې د کرېکټ ملي لوبډلې د لوبغاړو په ترڅنګ د نولس کلنو او الف لوبډلو لوبغاړي هم سیالي وکړي.
د کرېکټ امریت مسوولانو په وینا، د یادو سیالیو څخه یې موخه له راستنېدونکو افغانانو ملاتړ او د کرېکټ لوبغاړو ترمنځ د تجربو شریکول دي.
په يادو سياليو کې ځينې لوبېدونکي لوبغاړي خوښ دي چې دا ډول لوبې ورته برابرې شوي او پهکې د کرېکټ اړوند تجربې ترلاسه کوي.
سلاموطندار پر ټویټر هم وڅارئ
له دې وړاندې هم خوست کې د لوبغاړو ترمنځ د کرېکټ سیالۍ شوي، خو دا لومړی ځل دی چې دغه ولایت کې له راستنو شویو افغانانو د ملاتړ په موخه د کرېکټ لوبې کېږي.
