د خوړو نړیوال پروګرام وايي چې افغانستان کې د بېرته راستنېدونکو کډوالو سربېره اړمنو سره د مرستې لپاره ۱۶ میلیونه ډالرو ته اړتیا لري.
د خوړو نړیوال پروګرام نن پنجشنبه د نومبر ۱۶مه پر اېکس «ټوېټرپاڼه» په یوې ویډیو کې ویلي چې څه باندې یو میلیون افغانانو ته د مرستو لپاره ۱۶ میلیونه ډالرو ته اړتیا لري.
که څه هم هره ورځ زرګونه کسان له پاکستان څخه په زور افغانستان ته ستنول کېږي، دغه بنسټ وايي چې تراوسه یې ۱۱۲۰۰۰ زره کسانو سره د خوړو او نغدې مرستې کړې دي.
د خوړو نړیوال پروګرام همداراز دې ویدیو کې ویلي، دغه افغان کډوال په ډېر ناوړه وضعیت کې بېرته هېواد ته په زور ستنول کېږي. په وینا یې، ډېری راستانه کېدونکي کډوال خواړه نهلري او یوې نامعلومې راتلونکې سره مخ دي.
دغه پروګرام بېرته راستنېدونکو کډوالو سره مرستې کړي، خو وايي، راستانه شوي کډوال د سرپناه لپاره ځای نهلري، د ژوند دوام لپاره سرچینو له کمښت سره مخ دی او ژمی هم په نږدې کېدو دی.
افغان کډوال داسې مهال بېرته هېواد ته راستنېدو ته اړ کېږي چې هېواد کې لا له وړاندې د شوې زلزلې له امله ناورین رامنځته شوی دی.
د خوړو نړیوال پروګرام د افغانانو کمزوری اقتصاد، د اقلیم بدلون د دغه ناورین یوه بله څنډه بللې ده.
دغه پروګرام زیاته کړې چې ډېری راستانه شوي بېړنو مرستو ته اړتیا لري چې دوی د مالي سرچینو له کمښت سره مخ دي.
د خوړو نړیوال پروګرام له دې وړاندې د افغانستان لرو پرتو سیمو کې اړمنو ته د خوړو او نورو توکو د رسونې لپاره د ۴۰۰میلیونه ډالرو غوښتنه کړې وه.
۳.۷ million Afghans live in #Pakistan. Many of them are now being forced to return to crisis-wracked #Afghanistan.
So far, WFP has assisted 112,000 people with food & cash. We urgently need $16 million to support 1 million more people start over. pic.twitter.com/MQ3CPS4RHC
— World Food Programme in Afghanistan (@WFP_Afghanistan) November 16, 2023
د خوړو نړیوال پروګرام یکشنبه د نومبر ۱۲مه پر اېکس «ټوېټرپاڼه» لیکلي و، افغانستان کې ژمي ته یوازې څو اوونۍ پاتې او اړتیا ده چې لرو پرتو سیمو ته پر وخت مرستې ورسول شي.
د خوړو نړیوال پروګرام لیکلي و: «افغانستان کې ژمي ته یوازې څو اوونۍ پاتې چې لرو پرتو سیمو ته تللې لارې د واورې اورښت له امله وتړل شي. ۴۰۰ میلیونه ډالر هغه څه دي چې د خوړو رسولو او اغېزمنو ته د رسېدنې لپاره اړینې دي.»
د خوړو نړیوال پروګرام همداراز پر خپله اېکس پاڼه له پاکستان څخه په زور د راستنېدونکو افغان کډوالو دوضعیت په اړه هم اندېښنه ښودلې وه.
سلاموطندار پر ټویټر هم وڅارئ
د یاد سازمان په وینا، په داسې حال کې چې ۱۵ میلیونه وګړي نهپوهېږي خپله د بل وخت خواړه له کومه پیدا کړي، له پاکستانه د افغان کډوالو ستون هم په چټکۍ روان دی.
