د سوریې د لنډمهالي حکومت مشر احمدالشرع په دغه هېواد کې پر ملي یووالي او د سولې پر پایښت ټينګار کړی دی.
نوموړی دغه څرګندونې داسې مهال کوي چې دا مهال د سوریې په شمال کې د مخکیني پرځېدلي حکومت ولسمشر بشاالاسد پلوي ځواکونه د احمدالشرع تر مشرۍ لاندې لنډمهالي حکومت سره په نښته دي.
د سلاموطندار پښتو فېسبوکپاڼه وڅارئ
تراوسه په دغو نښتو کې د څه باندې ۱۰۰۰ کسانو د وژلکېدو پخلی شوی دی.
احمدالشرع چې د دمشق په یوه جومات کې خبرې کولې وویل: «د سوریې په اړه ډاډه واوسئ! دا هېواد د پایښت لپاره ځانګېړنې لري، هغه څه چې اوس سوریه کې پېښدونکې دي، د تمې ننګونې دي.»
یوې امنیتي سرچینې الجزیرې ته ویلي چې د اسد پلو ځواکونو د بریدونو له امله د سوریې لنډمهالي حکومت شاوخوا ۲۰۰ سرتېري وژل شوي دي.
له هغه وخت راهیسې چې دا بریدونه پیل شوي، د سوریې له بېلابېلو سیمو د اوسني حکومت ګڼشمېر امنیتي ځواکونه د علوي فرقې چې د بشارالاسد پلوي کوي، د محاصره لپاره یادې سیمې ته ور روان دي.
دغه بریدونه اوس تر ډېره پر غچ اخیستونکو بریدونه تبدیل شوي دي.
د راپورونو له مخې، له تېرو څو ورځو راهیسې د سوریې په بېلابېلو ښارونو کې نښتې روانې وې او بېګاه شپه هم د دواړو لوریو ترمنځ جګړې شوي دي.
