د بادغیس د ټرافیکو مدیریت مسوولان وايي چې په دغه ولایت کې د یوې ټرافیکي پېښې له امله د یوه ماشوم په ګډون درې کسان مړه او اته نور ژوبل شوي دي.
د سلاموطندار پښتو فېسبوکپاڼه وڅارئ
د بادغیس د ټرافیکو مدیریت د ټرافیکي پېښو امر عبدالمنان محمدي وايي، دا پېښه د چهارشنبې ورځې په ماښام د مقر-قلعهنو پر لویه لاره شوې ده.
د نوموړي په وینا، د ګړندي تګ دوه موټر پر یاده لاره سره ټکر شوي او له کبله یې دغو کسانو ته مرګژوبله اوښتې ده.
د بادغیس د ټرافیکو مدیریت مسوولان زیاتوي چې د پېښې ټپیان یې د درملنې په موخه د قلعهنو ولایتي روغتون ته لېږدولي دي.
د یادونې ده چې نن سهار د یوې مازدا ډوله موټر چلوونکي په کندهار ښار کې یو ټرافیک چې پر دندې بوخت و، په موټر وهلی او مړ کړی یې دی.
