د اسټرالیا د کرېکټ ملي لوبډلې کوربه سوېلي افریقا ته د درېوو شل اووره سیالیو په لوبلړۍ کې ۳-۰ ماته ورکړه.
د یادې لوبلړۍ په وروستۍ لوبه کې چې د سوېلي افریقا د ډوربن په کنګزمیډ لوبغالي کې ترسره شوه کوربه لومړۍ توپوهنه وکړه او د ۱۹۱ منډو هدف یې وټاکه.
د اسټرالیا لوبډلې ورکړل شوی هدف د پنځو لوبغاړو په سوځېدو د لوبې په ۱۸ اوور کې ترلاسه او لوبلړۍ یې ۳-۰ په خپل نوم کړه.
اسټرالیا له دې وړاندې کوربه لوبډلې ته په لومړۍ لوبه کې په ۱۱۱ منډو او په دویمه لوبه کې په اتو وېکټو ماته ورکړې وه. د دواړو لوبډلو ترمنځ د لوبلړۍ غوره لوبغاړی د اسټرالیا مېچل مارش ونومول شو چې ۱۸۶ منډې یې جوړې کړې وې.
د دواړو لوبډلو ترمنځ د روانې سپټمبر میاشتې په اوومه نېټه د پنځو یو ورځنیو سیالیو لوبلړۍ پیلېږي چې د سوېلي افریقا پر بېلابېلو لوبغالو به وشي.
سلاموطندار پر ټویټر هم وڅارئ
دغه لوبلړۍ به د سپټمبر تر ۱۷مې دوام وکړي.
