د میدان وردګ د امنیې قومانداني مسوولان وايي چې په دغه ولایت کې له تېرو جګړو د پاتې هاوان مرمۍ چاودنه کې یو ماشوم وژل شوی او بل هم ټپي شوی دی.
د میدان وردګ امنیې قومانداني سلاموطندار ته په یوه لېږلې خبرپاڼه کې لیکلي چې دا پېښه د غبرګولي په څلورمه، د پنجشنبې ورځ د دغه ولایت د سیداباد ولسوالي په شنیز سیمه کې شوې ده.
په خبرپاڼه کې لیکل شوي چې یادو ماشومانو د هاوان په مرمۍ لوبې کولې چې پرې چاودلې او په پایله کې یې یو ماشوم وژل شوی او یو بل ټپي شوی دی.
د سلاموطندار پښتو فېسبوکپاڼه وڅارئ
د یادونې ده چې له تېرو جګړو د را پاتې مرمیو او نورو مهماتو چاودنو تل له افغانانو، په ځانګړې توګه له ماشومانو قرباني اخیستې ده.
