د پکتیا محلي مسوولان وايي چې نن دوشنبه د (لړم ۱۶مه) په مرکز ګردېز کې د روغتیایي علومو له انستیټیوټ څخه د فزیوتراپي له څانګې ۱۶ نجونې فارغې شوې.
له یاد انسټیټیوټ څخه فارغې شوې نجونې سلاموطندار ته وایي چې دری کلنې زدهکړې یې د فزیوتراپۍ په برخه کې په بریالۍ توګه بشپړې کړې.
دوی همداراز په دغه ولایت کې له چارواکو غوښتنه وکړه چې د کار زمینه دې ورته برابره کړي او دندې دې ورکړي.
د پکتیا د روغتیايي علومو له انسټیټیوټ څخه فارغې شوې نجونې زیاتوي چې دوی له موسساتو او د اسلامي امارت له چارواکو وغوښتل چې په راتلونکې کې هم د نجونو لپاره د دا ډول زدهکړو زمینه برابره کړي.
سلاموطندار پر ټویټر هم وڅارئ
د پکتیا د روغتیاي علومو انستیټیوټ د ناروې کمېټې لهخوا تمویلېږي چې د پکتیا په ګډون د خوست، پکتیکا، غزني او لوګر ولایتونو نجونې او هلکان په بېلابېلو برخو کې زدهکړې پهکې کړې دي.
