په پکتیکا ولایت کې د بېګانۍ زلزلې له امله د مړو شمېر څه باندې ۱۰۰۰ کسانو ته لوړ شوی دی.
د پکتیکا د اطلاعاتو او فرهنګ رییس امین حذیفه سلاموطندار ته ویلي چې د پکتیکا ګیان، برمل او نکې ولسوالیو کې د شوې زلزلې له امله څه باندې ۱۰۰۰ کسان مړه شوي او شاوخوا ۱۵۰۰ کسان ټپیان دي.
د سلاموطندار پښتو فېسبوکپاڼه وڅارئ
د نوموړي په وینا، مرستندویه ډلې سیمې ته رسېدلې او د خاورو لاندې د ټپیانو او مړو د راایستلو عملیات روان دي.
د پکتیکا د اطلاعاتو او فرهنګ همداراز ویلي چې ښايي د مړو او ټپیان شمېر له دې هم زیات شي.
