په وروستیو ورځو کې د هېواد په بازارونو کې د زړو افغاني بانکنوټونو زیاتېدو د خلکو او صرافانو نیوکې زیاتې کړي چې ورسره د افغانستان بانک په یوې خبرپاڼه کې د هغو بانکنوټونو نمونې هم خپرې کړي چې د چلېدو وړ نه دي.
د اسلامي امارت مشر هبتالله اخندزاده تازه په کندهار کې یوې غوڼده کې ویلي چې د خلکو لهخوا جوړ شوي قوانین د تطبیق وړ نه دي.
د اسلامي امارت ویاند ذبېحالله مجاهد پر خپله ټوېټرپاڼه د هبتالله اخندزاده له قوله یوه ویناپاڼه خپره کړې چې پهکې ویل شوي، اسلامي امارت یوازې الهي احکام پلي کوي او د خلکو په غوښتنه پرېکړې نه کوي.
د طبیعت نړیوالې ورځې په رارسېدو سره، د چاپېریال ساتنې ملي ادارې مسوولان هېواد کې د چاپېریال وضعیت خرابېدو څخه اندېښنه ښيي.
د شپږیزې کرېکټ لیګ په ۱۹ لوبه کې چې نن له غرمې وړاندې د امو نهنګان او میسعینک لوبډلو ترمنځ وشوه، امو نهنګان بریالي شو چې میسعینک ته په پنځو وېکټو ته ماته ورکړي.
د پکتيا مرکز ګردېز ښار کې د بالاحصار ودانۍ ويجاړېدو په اړه اندېښنې زیاتې شوي. د پکتیا د اطلاعاتو او فرهنګ ریاست مسوولان وایي چې د بالاحصار ودانۍ ځینې برخې د وروستیو اورښتونو له امله سختې زیانمنې شوي او د ویجاړېدو له ګواښ سره مخ دي.
د پکتیا د ځاځياریوب ولسوالي یوشمېر اوسېدونکي وايي چې بېګاه په دغه ولسوالي کې د سختو اورښتونو له امله سېلابونه راوتلي چې پرمهال یې دوه کسان مړه او درې نور ټپیان شوي دي.
د اسلامي امارت مشر هبتالله اخندزاده په تازه سپارښتنه کې ویلي چې د خلکو لهخوا جوړ شوي قوانین د تطبیق وړ نه دي او د اسلامي امارت حکومت کې باید د هرې ستونزې حل په شریعت کې ولټول شي. ویناپاڼه زیاتوي چې د اسلامي امارت مشر هبتالله اخندزاده والیانو ته په وینا کې سپارښتنه کړې چې د نوموړي له پرېکړو اطاعت وکړي.
د روزګان محلي مسوولان وايي، د دغه ولایت په ګېزاب او مرکز ترینکوټ کې د شویو اورښتونو له کبله سېلابونه راوتلي چې له امله درې کسان مړه شوي او دوه نور لادرکه دي. بلخوا د ترینکوټ ښار اوسېدونکي وايي، په تالاني سیمه کې هم د شویو بارانونو له امله سېلابونه راوتلي او خلکو ته زیانونه اړولي دي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
