د اسلامي امارت لهخوا افغانستان ته د پخوانیو چارواکو د بېرته ستنېدو جوړ شوی کمېسیون نن رسماً کار پیل کړ. دا کمېسیون دنده لري چې د تېر نظام هغه چارواکي او سیاستوال چې بهر ته تللي، وهڅوي څو بېرته افغانستان ته راشي.
اروپایي ټولنې د افغان ښځو د وضیعت ارزونې په موخه دوه ورځنۍ غونډه جوړه کړې وه چې نږدې ۶۰ افغان مېرمنو پهکې په حضوري او انلاین ډول برخه اخیستې وه.
له تېرو دوو کلونو راهیسې د کورونا ویروس له امله د حج فریضې د ادا کولو په موخه د افغانانو د تلو بهیر درول شوی و، خو اوس د اسلامي امارت مسوولان وايي چې دغه بهیر یې له سره پیل کړی او ټاکل شوې سږکال ۱۳۵۸۲ کسان د حج ادا کولو لپاره سعودي عربستان ته لاړ شي.
د امر بالمعروف او نهې عنالمنکر وزارت د ښځو د حجاب په اړه له سيانان خبري شبکې سره د پخواني ولسمشر حامد کرزي د خبرو په غبرګون کې ویلي، د نوموړي دا څرګندونې د بحث وړ نه دي.
د میدان وردګ ولایت په چک ولسوالي کې د کوچني اختر په پنځمه د ۱۲ لوبډلو ترمنځ د کرېکت سیالۍ پیل شوې وې چې پرون جمعه د چک بازانو لوبډلې په اتلولۍ سره پای ته ورسېدې.
وروسته له هغې چې سلاموطندار د روزګان ولایت مقام ۵۰ مترۍ کې د ترینکوټ ښار په «تریاکو چوک» کې د نشهيي توکو د ازاد بازار په اړه يو راپور خپور کړ، اوس د یاد ولایت امنیتي مسوولان وايي چې دغه بازار یې تړلی دی. د روزګان د امنیې قومنداني وياند اغاولي قريشي سلاموطندار ته ویلي، د تریاکو دغه بازار یې نن تړلی دی.
د افغانستان پخواني ولسمشر حامد کرزي د اسلامي امارت له لوري د ټلوېزیونونو پر ښځینه ویاندویانو د تازه محدودیت په غبرګون کې ویلي، اړتیا نشته چې ښځینه ویاندویانې خپل مخونه پټ کړي.
کرزي له سيانان خبري شبکې سره د یوې مرکې پرمهال ټينګار کړی چې د مخ پټول حجاب نه دی او نه هم د افغانستان د فرهنګ برخه ده، بلکې د نورو هېوادونو دود چې افغانستان ته رالېږدول شوی دی.
په خوست کې د «زرغون افغانستان جام» تر نوم لاندې د کرېکټ یو ورځنیو سیالیو پای لوبه کې پرون هندوکش سټرایکرز لوبډله بریالۍ شوه چې پامیر لیجینډز لوبډلې ته په درېوو وېکټو ماته ورکړي او د دغه جام اتلولي خپله کړي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
