د زابل د والي سکرټر عبدالحکیم حاکمي سلاموطندار ته ویلي چې دا ټرافیکي پېښه پرون مازدیګر د دغه ولایت په مرکز کلات ښار کې له یوه ټونس سره د ۴۰۴ ډوله موټر د ټکر له امله شوې ده.
د نوموړي په وینا، په دې ټرافیکي پېښه کې ۱۴ کسان مړه شوي او ۱۰ نور ټپیان دي.
د زابل د ولایتي روغتون سرطبیب نذیر حریفال وايي، ټپیان روغتون ته ور وړل شوي چې د دوو هغو روغتیايي وضعیت نازک دی.
که څه هم د زابل د ټرافیکو مسوولان د دې پېښې لامل د موټرچلوونکو بېاحتیاطي یادوي، خو موټرچلوونکي د لویو لارو خرابوالی د ټرافیکي پېښو اصلي لامل بولي.
