په کندوز کې یوه باوري امنیتي سرچینه چې نه غواړي نوم یې یاد شي، سلاموطندار ته ویلي چې کومانډو ځواکونو بېګاه ناوخته د کندوز ښار د تلوکې سیمې په «بوز کندهاري» کې عملیات کړي دي.
د سرچینې په وینا، طالبانو د دغه عملیاتو پر مهال ځانګړي ځواکونه په یوه «۸۲ توپ» ويشتي چې له کبله یې ۳ کومانډویان وژل شوي او ۹ نور ټپیان دي.
سرچینه زیاتوي، د کومانډویانو په عملیاتو کې طالب ډلې ته هم مرګژوبله اوښتې ده.
د کندوز محلي چارواکي او د ۲۱۷ پامیر قولاردو مسوولان په دې اړه جزیات نه ورکوي.
د طالب ډلې ویاند ذبېحالله مجاهد بیا پر ټویټر لیکلي چې د کندوز ښار په تلوکه سیمه کې ۱۷ امنیتي ځواکونه وژل شوي دي.
