فراه ولایتی کینگش مسئوللری نینگ ایتیش‌لریچه، طالبان مذکور ولایت مرکزیده کینگ هجوم یولگه قوییش بیلن فراه شهری نینگ کوپینچه بولیم‌لرینی نظارت گه آلگن.
فراه ولایتی کینگش اورین‌باسری خیرمحمد نورزی نینگ سلام‌وطندارگه ایتیشیچه، طالبان اوتگن کون شام‌دن بویان فراه شهری نینگ شمال و غربیدن بو شهر اوستیگه هجوم قیلگن.
اونگه کوره، طالبان بوگون توشدن کیین آغیر تلفات کوریش بیلن پولیس قومندانلیگی، قماقخانه، ولایت مقامی و شونینگدیک فراه شهری نینگ باشقه بولیم‌لرینی نظارت گه آلگن.
بیزلرنینگ فیسبوک صحیفه‌میزگه باش اورینگ!
فراه ولایتی کینگش اورین‌باسری نینگ کوپه‌یتیریشیچه، حاضر امنیتی کوچلر بو ولایت ملی خوفسیزلیک ریاستیده موجود دیر و اوروش جدی شکلده دوام ایتیب کیلماقده. اونینگ ایتیشیچه، گزارشلر اساسیده فراه قماقخانه‌سی طالبان نظارتی گه اوتگنیدن کیین، مذکور قماقخانه‌ده‌گی برچه محبوسلر قاچیب کیتگن.
شونینگدیک خیرمحمد نورزی نینگ ایتیشیچه، فراه شهریده یاردمچی کوچلر یوباریلمه‌گن صورتده، بو ولایت بوتونلی طالبان قولیگه سقوط قیلیشی نی احتمالی بار. عین حالده، اجتماعی ترماقلرده نشر ایتیلگن رسملر، فراه شهری نینگ کوپ بولیمی طالبان نظارتی گه اوتگنی نی کورسته‌دی.
گرچند فراه امنیتی مسئوللری فراه شهری نینگ سقوط قیلگنی توغریسیده هیچ بیر نرسه دیمه‌گن، بیراق فراه پولیس قومندانلیگی سوزلاوچیسی نینگ سلام‌وطندارگه ایتیشیچه، طالبان اوتگن کیچه نیچه بولیم‌دن فراه شهری اوستیگه هجوم قیلدی که امنیتی کوچلرنینگ قرشی هجومی بیلن روپه‌رو بولدی.
عین حالده، کمیده ایکی آی آلدین طالبان فراه نینگ برچه تومن‌لرینی نظارت آلگن ایدی.
