بامیانده قهرتان قیش باشلنیشی بیلن، غارده یشاوچی عایلهلر، قشاقلیک، ایشسیزلیک و برقرار درآمدلری یوقلیگی سببلی، یشش جایلرینی ایسیتیش اوچون یاقیلغی ماده ساتیب آلیشگه قوربلری ییتمهیدی، بو احوال بالهلری، عیاللری و کسل بولگن کیشیلرنی جدی خوف بیلن دوچ قیلگن.
لبناننینگ طرابلس شهریده یانمه-یان ایکی بنانینگ قولشی عاقبتیده، کمیده توقیز کیشی اولیب و آلتی کیشی یرهلنگن. الجزیره بوگون (۲۰-دلو، ۹-فبروری، دوشنبه)، واقعه جریانیده قریب ۲۲ کیشینینگ بنالر ایچیده بولگنینی گزارش بیرگن.
فاریاب ولایتی المار تومنی یشاوچیسی حمیرا ایوبی، میمنه شهریگه کیلگچ آز امکانیت بیلن «کیبابو» تیکوچیلیک ایشخانهسینی آچدی؛ بو ایشخانه حاضر نهفقط اوزی اوچون درآمد منبع، بلکی مستقل بولیشگه بیل باغلهگن قیزلر اوچون هم امید دیرهزهسیگه ایلنگن. مملکت مقیاسیده عیاللرنینگ ایشلشی منع قیلینگنیدن کیین، حمیرا اوزی و عایله اعضالرینینگ احتیاجلرینی تأمینلب، هم اوزی و هم باشقهلر اوچون درآمد منبع یرهتیشگه قرار قیلدی.
سمنگان مرکزی ایبک شهریده، بوگون (۱۹-دلو، یکشنبه)، خیرلی کیشیلر مالی حمایتی بیلن ۷۵ ییگیتنینگ توپلم توی مراسمی اوتکزیلگن. اوشبو توپلم توی مراسمی تشکیلاتچیلریدن بیری عبدالخالقنینگ ایتیشیچه…
بیرلشگن ملتلر تشکیلاتی ترقیاتی دستورینینگ ایتیشیچه، اوتگن ایکی ییلده افغانستان ده یاردم بیرووچی تشکیلاتلر بودجهسینینگ ۵۰ فایزی، ترقیاتی بولیملرده صرفلنگن.
قیش، یالغیز قار یاغیش و ساووق ییتیب کیلیش موسومی ایمس، بلکیم کمبغل عایلهلر اوچون آچلیک، ایشسیزلیک و قیینچیلیکلر کوپهیشی دیر. فاریاب ولایتی فردوس تومنینینگ «زرشوی» قیشلاغیده، ۲۷ یاشر بیر عیال هر کونی، قویاش چیقیشی بیلن عایله خرهجتلرینی تامینلش مقصد، چرچهمسدن سعیوحرکت قیلیشگه باشلهیدی.
قندوز ولایتی تورلی تومنلریدهگی یشاوچیلر و دهقانلردن قطارینینگ ایتیشیچه، اوتگن ییللرگه قرهگنده قودوقلر سووی سطحی سیزیلرلی درجهده پس توشگن.
کمبغللیک و هوا ساووقلیگی، یاقیلغی مادهلرنی ساتیب آلیش امکانیتیگه ایگه بولمهگن عایلهلردن قطارینی، اویلرینی ایسیتیش اوچون پلاستیک، کارتن و موتر تایری کبی چیقیندیلردن فایدهلنیشگه مجبور قیلگن که بو ایش، انسان ساغلیگی و یشش محیطنی جدی شکلده تهدید قیلهدی.
اجتماعی ترماقلر گه بالهلرنینگ صورت یا کی ویدیوسینی جایلشتیریش کوپلب آته-آنهلر اوچون عادی حالگه ایلنگن. ایریملر بوندن ذوقلنسه، ایریملر ایسه مشهورلیک یا کی درآمد آرتیریشنی کوزلهیدی. بیراق، بو کبی ویدیو مضمونلرنینگ سلبی تامانلری هم بار.
حقوقشناسلر گه کوره، فقه قاعدهسی «الضرر یزال» اساسیده، هر قندهی کمسیتیش تقیقلنهدی؛ بیراق ایریم وظیفهسی بولگن عیاللر سلاموطندار بیلن صحبتده، ایش جاییده کمسیتیش گه دوچ کیلهیاتگنینی ایتسهلرده، باشقهلری ایسه ایش جاییدهگی کمسیتیش سببلی مجبوراً اوز ایشلرینی ترک ایتگنینی بیلدیرهدی.
پرواننینگ ساووق قیشلری نهفقط ایکینچیلیک فعالیتلرینی توختهتمهگن، بلکیم قیشلاقدهگی عیاللردن قطاری اوچون کوپراق سعیوحرکت قیلیش و عایله اقتصادی جریانینی سقلب قالیش امکانیتیگه اَیلنگن. اویده قوریلگن ایسیقخانهلرده سبزهوات ایشلب چیقریش، سوت ساغیش، قتیق، پنیر، قیماق و قروت تیارلش، مذکور عیاللرنینگ عملگه آشیرهدیگن اینگ مهم فعالیتلریدن حسابلنهدی.
قندوز ولایتی اوزاق تومنلر یشاوچیلریدن قطاری، تومنلریده الکترونیکی کیملیک ترقهتیلهدیگن مرکزلر یوقلیگی، کیملیک ترقهتیلیشینینگ کوپینچه وقت آلیشی و باریب-کیلیشنینگ کوپینچه خرهجت کوتاریشیدن شکایت قیلهدیلر. اولرنینگ ایتیشلریچه، تومنلریده الکترونیکی کیملیک ترقهتیلهدیگن مرکزلر یوقلیگی سبب…
افغانستان ده بیرلشگن ملتلر تشکیلاتی اورینباسرلیک هیئت ادارهسی (یوناما)، نینگ اعلام قیلیشیچه، بالهلر ۸۰ فایز قربانلیک بیلن، افغانستان ده اوروشدن پارتلمهی قالگن قورال-یراغدن اینگ کوپ ضرر کورگنلرنی تشکیل بیرهدی.
بلوچ آزادلیک شبهه نظامیلر، سونگی کونلرده پاکستان حکومتی اوچون ایریم قیینچیلیکلر گه سبب بولگن. پاکستانلیک طالبلر (تیتیپی) اعضالرینینگ هجوملری نسبی کمهیشی بیلن بیرگه، بلوچ آزادلیک شبهه نظامیلر، پاکستان حکومتی گه قرشی ریجهلی هجوملرنی اویوشتیرماقده.
ایران دن مملکت گه قیتریلگن عیاللردن قطارینینگ ایتیشلریچه، برچه نرسهلری چیگره اوتامانیده قالیب و حاضر ایسه بالهلری بیلن بیرگه قیین وضعیتده حیات کیچیرماقدهلر.
اوتمیشده، قیش کیچهلری عایلهلرده اولتیریش و ایرتکلر ایتیش بیلن اوتردی. کتتهلر جسارت، مهارت، صبر، دوستلیک و اخلاقی قدریتلر حقیدهگی حکایهلرنی سوزلب بیرر، یاشلر ایسه، قلب-جان و ذوق بیلن تینگلشر ایدی. قصه ایتیش محلی مدنیتنی کیینگی اولادلر گه ییتکزیش و عایلهوی رشتهلرنی مستحکملشنینگ مهم یوللریدن بیری ایدی. قیشکی ایرتکلر عادتده سوزگه مهارتلی و شیرین تیلگه ایگه آدملر تامانیدن مخصوص مهارت بیلن حکایه قیلینر، شونینگ اوچون کتتهلر و بالهلر هم اونی تینگلش گه جوده اینتیلر ایدیلر.
