کوچتلرنینگ پیوند و قلمچه قیلیش، ایکینچیلیکدهگی مهم و فایدهلی اسلوبلردن حسابلنهدی. شونینگدیک لغمان ده اوشبو اسلوبلر یاردمی بیلن میوهلر و باشقه اوسیملیکلرنینگ یخشیلنگن همده مستحکم کوچتلری ییتیشتیریلهدی. قلمچه و پیوند آرقهلی ییتیشتیریلگن کوچتلر تیزراق اوسیب، کسللیکلر برابریده مستحکمراق بولیب و آزراق مدتده حاصل بیریشگه ییتیشهدی.
دهقانلردن قطارینینگ ایتیشلریچه، اوروغدن ایکیلگن درختلر نیچه ییلدن کیین میوه بیرگنی بیرحالده، پیوند بولگن کوچتلر ساده اوروغلرگه نسبت تیزراق حاصل بیرهدی. شونینگدیک ییتیشتیریلگن اوسیملیکلر هم قلمچه آرقهلی اصلی اوسیملیکنینگ خصوصیتلرینی سقلهب و بازار اوچون صفتلی محصوللرنی تامین قیلهدی.
لغمان مرکزی «چهاردهی» منطقهسیدهگی دهقانلردن نعمتالله و گلاحمدنینگ سلاموطندار گه ایتیشلریچه، ایکینچیلیک ییرلریگه مینگلرچه پیوندی و قلمچه بولگن کوچتنی ایکیب و بو یول آرقهلی سبزهوات گه قرهگنده کوپراق درآمد قولگه کیلتیرهدیلر.
نعمتاللهنینگ کوپهیتیریشیچه: «ایکینچیلیک ییریمیزگه قریب ۹ مینگ قلمچه و پیوند بولگن کوچتنی ایککنمیز که بیر ییلده حاصل بیرهدی. ایشی کوپ زحمت ایستهیدی و وقت آلهدی؛ بیراق یخشی درآمدی بار. حاضر بو ییرده انار، انجیر، اوزوم، بهی و جیده قلمچهلرینی ایکهمیز. اونگه علاوه بادام، زردآأو، شفتالو، آلو، گیلاس و املوک اوروغلرینی هم ایکهمیز و پیوند بولگن کوچتلرنی هم ایکینچیلیک ریاستینینگ ییتیشتیرگن پیوندلریدن فایدهلنهمیز. قیش ییتیب کیلیشی بیلن بو کوچتلر بازار گه چیقریلهدی و اونینگ یانیده، زینتی اوسیملیکلر و گللر هم قلمچه آرقهلی ییتیشتیریلهدی که یخشی حاصلی بار و سبزهوات و باشقه ایکینچیلیک محصوللرگه قرهگنده فایدهسی کوپراق دیر.»
شونینگدیک گلاحمدنینگ کوپهیتیریشیچه: «اوروغ کوپ وقت گه نیازی بولیب، تیز حلص بیریب و اتقصادی نقطهی نظریدن هم اونچهلی فایدهلی بولمهگنی بیرحالده، قلمچهلر و پیوند بولگن کوچتلر تیزارق تیارلنهدی. حاضر تورلیخیل کوچتلرنی پیوند بیرگنمیز و کوچت ساتیلیش موسومیده هم اهالی کوپراق پیوند بولگن کوچتلرنی ساتیب آلهدی؛ چونکه تیز حاصل بیرهدی. انار، انجیر و املوک پیوندلرینی هم عملگه آشیردیم و باشقه کوچتلرنی قلمچه آرقهلی ییتیشتیردیک.»
شوندهی بیرحالده، ایکینچیلیک ایشلری بوییچه ایش بیلرمانلرنینگ ایتیشلریچه، پیوند و قلمچه قیلیش نهفقط اوسیملیک صفتینی یخشی قیلهدی؛ بلکیم دهقانلر خرهجتلرینی کمهیتیریب و اقتصادی نقطهی نظریدن هم کوپ فایدهلی دیر.
بو توغریده ایکینچیلیک ایش بیلرمانلریدن کامران رسولینینگ ایتیشیچه: «پیوند و قلمچه قیلیش اسلوبلری دهقانلر اوچون کوپ اقتصادی فایدهسی بار؛ چونکه صفتلی و تیز حاصل بیرهدیگن کوچتلر تولید بولیشیگه امکانیتنی یرهتهدی. پیوند بولگن درختلر کوپراق تیز حاص بیرهدی و بازار نیازی اساسیده میوه تولید قیلهدی. قلمچهلر هم کم خرهجت بیلن کوپینچه کوچت تولید قیلیش امکانیتینی یرهتیب و باغلر رواجلنیشی اوچون جوده مهم دیر.»
باشقه بیرتاماندن، لغمان ایکینچیلیک ریاستی مسئوللرینینگ ایتیشلریچه، اوشبو ولایتده اوروغ، پیوند و قلمچه آرقهلی میوهلی و زینتی قریب بیر میلیون کوچت ایکیلیب و دهقانلر اوندن ییترلی درآمد قولگه کیلتیرهدیلر. اولرنینگ کوپهیتیریشلریچه، ایکینچیلیک ریاستی فنی، اوسکونهلر و کود بولیمیده دهقانلر بیلن همکارلیک قیلهدی.
لغمان ایکینچیلیک ریاستی مطبوعات مسئولی سردار زیارنینگ سلاموطندار گه ایتیشیچه: «مذکور ولایتده پیوند و قلمچه بولگن بیر میلیوندن آرتیق کوچت ایکیلگن. خصوصی ساووقخانهلر ایگهلری بیلن هم تخنیکی مصلحت بولگن، موفق پیوند بولیمیده مناسب کوچتلر تنلهنیشی و صفتلی قلمچهلر اورگهتیلگن.»
ایکینچیلیک ایشلری بوییچه ایش بیلرمانلرنینگ ایشانچیگه کوره، قلمچه و پیوند قیلیش آرقهلی کوچت ایکیلیشی نهفقط حاصل بیریشنی تیزلشتیرهدی، بلکیم دهقانلر درآمدی کوپهیشی، وقتنی یخشیراق مدیریت قیلیش و محصوللر صفتی یخشیلنیشیده هم مهم اورینگه ایگه دیر.
