ایرلری کوپ خاتینلیک بولگن عیاللردن بعضیلرینینگ ایتیشیچه، ایرلری ایکینچی مرته اویلنگچ، ایری نفقه و برچه قانونی رعایت قیلمهگن؛ بیراق دین عالملری و حقوق بیلرمانلری، ایر تامانیدن عیال حقوقی رعایت قیلینمهگن حالده، عیاللر عدلی نهادلر گه شکایت قیله آلیشینی ایتهدیلر. بو عیاللر اقتصادی باسیملر گه دوچ کیلهیاتگنینی و اوز قانونی حقوقلری حقیده ییترلی معلومات گه ایگه ایمسلیکلرینی ایتیشهدی.
اسلام امیرلیگی قاچقینلر قیینچیلیکلرینی حل قیلیش بوییچه کمیسیون معلوماتلریگه کوره، فقط اوتگن بیر کون ایچیده بیش مینگ ۵۰۲ افغانستانلیک قاچقین ایران و پاکستاندن چیقریلیب و چیگره بندرلری آرقهلی مملکت گه قیتگنلر، عینحالده اوتگن هفته دوشنبه کونی قیتگن قاچقینلر رقمی ۲ مینگ نفر گه ییتر ایدی.
ایکینچیلیک و چارواچیلیک محصولات و ایچکی تولیدلر اوچ کونلیک ملی کورگزمهسی، بوگون (۲۷ دلو/۱۶ فبروری، دوشنبه) ایکینچیلیک و چاروادارلرنی قوللب-قوتلش مقصدیده، بلخ مرکزی مزارشریف شهریده آچیلدی.
اوزبیکستان ایلچیخانهسی و فاریاب آیدین خصوصی لیسهسی تشبثی بیلن، «بویوک متفکرلرنی ایسلب» تدبیر کابلده اوتکزیلدی.
گرچی فقه و شریعت علمالری همده دین عالملری ایتیشیچه، حنفی فقه اساسیگه کوره، عقلی رسا و بلاغت گه ییتگن عیال تولیق حقوقی لیاقت گه ایگه بولیب، اسلام شریعتی قاعدهلریگه رعایه قیلگن حالده، اویدن تشقریده ایشلشی ممکن؛ بیراق ایریم عیاللر سلاموطندار بیلن صحبتده عایله اعضالری اولرگه ایشلش اوچون ایزین بیرمهگنینی ایتیشهدی.
ظهیرالدین محمد بابر پادشاهنینگ حیاتی و ایجادی بۉییچه معلومات ایستووچیلر و علمی مونوگراف یازهدیگن کۉپلب اۉرتاقلر، افغانستانده تألیف اېتیلگن کتاب و رسالهلر همده باسیلیب چیققن بابر اثرلری حقیده دایم سۉرهب تورهدیلر. حرمتلی اۉرتاقلر و اۉقووچیلرنینگ التفاتلری اوچون تشکر قیلهمیز.
آگاهیسیزلیک، دوالنیش خذمتلری آزلیگی و درست قرهلمسلیک، تخار ولایتیده حاملهدار عیاللردن قطارینینگ خواطرلنتیرووچی «هیدروسفالی» کسللیگی بیلن روپهره بولیشیگه سبب بولهدی. جنیننینگ باش قسمیده میه بوشلیقلریده سویوقلیکنینگ آرتیقچه ییغیلیشی نتیجهسیده یوزگه کیلهدیگن بو کسللیک، ینگی توغیلگن چقهلاق سلامتلیگینی جدی شکلده خوف آستیگه قویهدی.
قیش موسومی ییتیب کیلیشی و یاقیلغی مادهلرگه اهالی احتیاجی کوپهیشی بیلن، بادغیس ولایتیده اورمانلرنینگ کیسیلیش جریانی یشاوچیلر و محلی مسئوللر آرهسیده کینگ کولملی خواطرلرگه سبب بولگن. بو خواطرلرنینگ عاقبتی، یشش محیط، محلی اقتصاد و اهالینینگ کوندهلیک حیاتینی جدی خوف بیلن روپهره قیلیشی ممکن.
کیچیک اتاقینینگ بیر چیکهسیگه بیرته تیکوو ماشینینی قوییش بیلن تیکووچیلیک بولیمیده ایشگه باشلهگن کابل یشاوچیسی بولمیش ۳۴ یاشر رویا محمدی، حاضر ایشی و ایشخانهسینی رواجلنتیریش بیلن باشقه ۳۰ عیالگه ایش زمینهسینی یرهتگن.
۱۱-فبروری، «بیلیم ساحهسیده خاتین-قیزلر اورنی خلقارا کونی» بیلن بیرگه، افغانستان ده بیرلشگن ملتلر تشکیلاتینینگ اورینباسرلیک هیئت ادارهسی (یوناما)، آلتینچی صنفدن یوقاری قیزلر تعلیمی تقیقلنگنینینگ بیکار قیلینیشینی سورهگن.
هوا ساووقلیگینی یوزینینگ قیزیللیگی و ییللر بویلب چیدهگن حیات قیینچیلیکلرینی ساچیگه توشگن آقلر و بوکیلگن قامتیدن بیلیش ممکن. او، تیترهگن قوللری بیلن دسترخوانیدهگی نان اونگه باغلیق بولگن ایچکی و تاووقلریگه قوروق اوتنی سیپماقده.
لوگر مرکزی پلعلم شهریده چاروهچیلیک بولیمیده ایش بیلن شغللنگن عیاللردن قطارینینگ سلاموطندار گه ایتیشلریچه، بیش ییلدن بویان چاروهچیلیک بیلن شغللنیب و بو یول آرقهلی عایلهلرینینگ اقتصادی نیازلرینی تامینلهیدیلر.
کیچیک بیر صناعتی ایشخانه، صبر و ظرافت بیلن سفالنینگ ساووق یوزیگه صناعت روحینی جایلهیدیگن قوللرگه میزبانلیک قیلماقده. اوشبو ایشخانهگه قیزلردن قطاری هر کونی ییغیلیب، میناکارلیک صناعتی آرقهلی عادی سفال ایدیشلرینی مدنیت، طبیعت و حیاتنینگ رنگ-برنگ حکایهلریگه اَیلنتیرهدی.
آلتی آی آلدین ایران دن قیتیب و ایشسیزلیک همده امیدسیزلیک آرهسیده قالگن خیرالله حسینی؛ حاضر ایسه هرات شهرینینگ ۱۲-ناحیهسیدهگی بیر کافهنی مدیریت قیلیب و باشقه سکیز کیشیگه هم ایش زمینهسینی یرهته آلگن. شونینگدیک اونینگ کبی، ایران دن قیتریلگن یاشلردن قطاری هرات شهریده کیچیک و بویوک رستورانتلر و کافهلرنی آچیش بیلن ایشسیزلیکدن قوتیلیش مقصد حرکت قیلماقدهلر.
اسلام امیرلیگی مالیه وزیرلیگی، بوگون دن (۲۰-دلو، دوشنبه)، باشلب پاکستان دن دارو وارد بولیشینینگ بوتونلی تقیقلنگنینی معلوم قیلگن. مالیه وزیرلیگی سوزلاچیسی عبدالقیوم نصیرنینگ ایتیشیچه، باجخانهلردن برچهسیده قاچاقی دارو و باشقه توارلر وارد بولیشی آلدی آلینهدی.
خارجلیک عالملر، متخصصلر «نوایی بیرار جایده اوزینینگ ملتی حقیده گپیرمهگن، نیمه گه اساسلنیب اونی اوزبیک دیهسیزلر»؟ قبیلیدهگی سواللرنی بیریشهدی. اوزبیک خلقی هم مینگ ییللر دوامیده ملت صفتیده شکللنیب کیلدی. نوایی یشهگن دورده ایسه اوزبیک ملتی حلی توله معناده شکللنیب اولگورمهگندی. نوایی یشهگن دورده اوزبیک تیلی، قزاق تیلی، قرغیز یا آذربایجان تیلی دیگن توشونچهلر یوق ایدی. حضرت نوایی برچه تورکی خلقلر و قوملرگه «سیز مینیکیسیز» دیب قوچاق آچگن، بو خلقلر هم نوایینی سیویش گه، ارداقلشگه حقلی.
