سرپل ده بیر ییگیت اوز بیلیم و قیزیقیشیگه تیهنیب، تورلی دستورلرنی دیزاینلش و رواجلنتیریش آرقهلی جمعیتگه خذمت قیلیش یولیده عملی آدیملرنی آلیشگه حرکت قیلماقده.
سرپل ولایتی «توغنی» قیشلاغی یشاوچیسی بولمیش ۲۸ یاشر حسین رحیمینینگ ایتیشیچه، اقتصاد بولیمینی بیتیریب و اوتگن ۶-۸ ییل جریانیده ۸ دن آرتیق سافتویر و ۳ دیجیتالی اوییننی دیزاینلهگن. بو یول ساده بیر فکر بیلن باشلهنیب، کیتمه-کیت سعیوحرکتلر همده اوز یانیده اورگهنیش بیلن دوام قیلگن.
اونینگ کوپهیتیریشیچه، مخابراتی خذمتلر، رادیولردن آنلاین فایدهلنه آلیش و شونیندیک فرهنگی، ادبی و الهام بیرووچی سافتویرلر شامل اولردن هر بیری بیللی بیر نیازنی حل قیلیش مقصد توزهتیلگن. «ساده بیر مخابراتی بستهنی فعال قیلیش اوچون اهالینینگ ساعتلرچه نمایندهلیکلرده کوتیب تورگنلرینی کورگنیمده، اوزیم بیلن بو ایشگه حل یول تاپیلیش کیرهک دیدیم. اوشه ییردن الهام آلدیم و بو یول گه کیلدم. خدمات موبایل سافتویری مخابراتی ترماقلر خذمتلرینینگ آسان مدیریت قیلیش امکانیتینی یرهتهدی و فایدهلنووچیلر تماس، پیغام و اینترنت بستهلرینی حضوری مراجعت قیلمسدن هم فعال قیله آلهدیلر.»
رحیمی، بالهلیک چاغیدن تکنولوژیگه قیزیققنینی بیان قیلیب و ایتیشیچه، اوشبو قیزیقیش اونینگ دستورلشنی اورگهنیش و دستورلرنی ایشلب چیقریش تامان آلیب بارگن. «حاضرگچه قریب ۷-۸ اپلکیشننی توزهتدیم که ۴ تهسیدن فایدهلنیلهدی و شونینگدیک ۵ ته اویین هم دیزاینلهگنمین. بیرینچی دستوریم خدمات موبایل ایدی.»
شونینگدیک او، فرهنگی و اویین-کولگی ساحهسیده هم فعالیت قیلیب و بیر قطار سافتویرلرنی توزهتگن. «اینگ مهم ایشلریمدن بیری رادیولر اوچون اپلیکیشن توزهتیش دیر. ۷ یا-ده ۸ رادیو اوچون اپلیکیشن توزته آلدیم که اولرنینگ نشراتی آنلاین شکلده دنیانینگ هر بیر نقطهسیده ایشیتیلیشی ممکن.»
اونینگ کوپهیتیریشیچه، بو اقدام ییتکرمهلرگه اوز دستورلرینی ینهده کینراق مقیاسده ترقهتیش امکانینینی یرهتیب و فایدهلنووچیلر ایسه مذکور موضوعگه آسانلیک بیلن کیریش امکانیتیگه ایگه بولگن. او هر قندهی وضعیتده هم سعیوحرکتدن قول تارتمهی و ایشیگه دوام بیرگنی توغریسیده شوندهی دیدی: «قیینچیلیکلریمدن کوپینچهسی هم مالی ایدی هم معنوی. تعلیمی منبعلردن فایدهلنه آلمهی و ساتیب آلیش امکانیتیگه هم ایگه ایمس ایدیم. شونینگدیک بیر قطار کیشی تشویق اورنیده تحقیر قیلهر ایدی، بیراق هیچ قچان سعیوحرکتدن قول تارتمهدیم.»
رحیمینینگ اورغولشیچه، مهارتلریدن برچهسینی اوز یانیده اورگهنیب و حاضرگچه هیچ بیر کیشی آرقهلی حمایت بولمهگن. اونینگ ایتیشیچه، اهالیگه کوپینچه آسایشتهلیک یرهتیلیشی مقصد، کوپینچه فایدهلی دستورلر توغریسیده ایشلشی ممکن. «بویوک هدفلریمدن بیری افغانستان ده آنلاین بیر دکاننی توزهتیش دیر، یعنی باشقه مملکتلرده یشاوچیلر اویلریده اولتیریب ساتیب آلیش قیلیشلری کبی بیر دستور. ییگیتلرگه توصیه قیلهمن که هیچ قچان ناامید بولمهسینلر و کیلهجکلری اوچون سعیوحرکت قیلسینلر.»
شوندهی بیرحالده، اقتصادی ایش بیلرمان محمدرسول محمدی، اقتصاد رواجلنیشیده ییگیتلرنینگ مهم اورنیگه اشاره قیلیب و ایتیشیچه، یاشلر آرقهلی تدبیرکارلیک ینگی بازارلر یرهتیلیشی و خذمتلر سطحی یخشیلنیشیگه سبب بولهدی. «یاشلر اقصتاد رواجلنیشیده مهم اورینگه ایگه دیر. بو کبی تدبیرکارلیکلر نهفقط ایشسیزلیک کمهیشیگه یاردم بیرهدی، بلکیم دیجیتال اقتصادی رواجلنیشی و جمعیتده خودکفالیککه امکانیت یرهتهدی. دولتی و خصوصی نهادلر اوشبو استعدادلرنی قوللب-قوتلهگنی صورتده، اولر کتهراق اقتصادی امکانیتلرگه اوزگریب و مملکت برقرار ترقیاتیده مهم رول اوینه آلهدیلر.»
سرپل معلوماتومدنیت ریاستینینگ یاشلر ایشلری بوییچه آمری فیضالله فایز، جمعیت رواجلنیشیده یاشلر اورنینی مهم دیب و اورغولشیچه، یاشلر فعال و تاثیرچین قشر صفتیده جمعیتده مهم اورینگه ایگهلر. اونینگ کوپهیتیریشیچه، اوشبو ریاست وزیرلیک حمایتی بیلن یاشلر امکانیتی آشیریلیشی توغریسیده بیر قطار برنامهلرنی یولگه قوییب و مسلکی تعلیملر، فنی مهارتلر و تشویقی برنامهلر آرقهلی، یاشلر رواجلنیشی و امکانیتی آشیریلیشی امکانیتینی یرهتیشگه حرکت قیلماقده.
جناب فایز گه کوره: «بو ییرده آنلاین تجارت، کمپیوتر، گرافیک دیزاین، انگلیزچه و مهارت اورگهتیش بولیملریده صنفلریمیز و برنامهلریمیز بار. هر کونی درس بیریلهدی و استادلر بار. یاشلرنی تورلی روشلر بیلن حمایت قیلهمیز. علمی، تحصیلی و تشویقی. یاشلرگه ایش زمینهلری یرهتیلیشی اوچون هم سعیوحرکت قیلهمیز.»
حسین رحیمی، یاش نسل نمونهلریدن بیری صفتیده بولیب و بار قیینچیلیکلرگه قرهمهی، سعیوحرکت و تدبیرکارلیک یولینی دوام بیریب، قاطعیت امکانیتلر کملیگی اورنینینگ تولدیره آلیشینی کورستگن که بو یول تیگیشلی نهادلر تامانیدن قوللب-قوتلنسه، مملکت یاشلری اوچون کینگ امکانیتلر و امیدلی کیلهجکنی شکللنتیریشی ممکن.
