بدخشان ده بیر یاش، کوندهلیک ایشلرنی فایدهلنووچیلر اوچون آسانلشتیرهدیگن دستورلرنی توزهتگن. بدخشان بیلیم یورتیده کمپیوتر ساینس فاکولتهسینی بیتیرگن ۲۷ یاشر امین شهرانیز، «نخک» و «چتیار» دستورلرینی بیر آیدن کوپراق وقتده ۱۰ مینگ افغانی عوضیگه دیزاینلهگنینی بیان قیلگن.
اونگه کوره، تیکووچیلر نخک دستوریدن فایدهلهنیب، بویورتمهلری میزانی همده آیلیک درآمدلرینی معلوم قیله آلهدیلر. «تیکووچیلر نخک دستوریدن فایدهلنیب، کوندهلیک درآمدلریدن آیلیک و حتا ییللیک درآمدلریگچه گزارش آلالهدیلر. اولر بیر کونده قنچه بویورتمه آلگنلرینی، قنچه کییم تیککنلری و قنچه کییمنی مشتریگه بیرگنلرینی بیله آلهدیلر.»
امیننینگ کوپهیتیریشیچه: «مذکور دستور، چاپ قیلیش امکانیتیگه هم ایگه دیر؛ یالغیز بیر کلیک قیلیش بیلن فکتورنی چاپ قیله آلهمیز؛ بیرتهسینی مشتری و بیرتهسینی دفترگه ثبت قیلیش اوچون.»
امین شهرانیز نخک دستوریگه علاوه پیام یوباریش امکانیتیگه ایگه بولگن چتیار دستورینی هم توزهتگن. «چتیار واتساپ و تلگرام کبی ایشلهیدی؛ پیام یوباریش، سیسلی و تصویری علاقه قوریش امکانیتیگه ایگه دیر؛ امنیتینی کوپهیتیریش مقصد سعیوحرکت قیلدم.»
اوشبو ییگیتنینگ کوپهیتیریشیچه، توزهتگن دستورلریگه مشهور پیامیوباریلهدیگن دستورلردن قطاریده بولمهگن امکانیتلرنی قوشماقچین. «حکومت و اهالی تامانیدن قوللب-قوتلنگنی صورتده، باشقه تشقی اپلیکیشنلردن فایدهلنیشگه نیاز بولمهیدی.»
شهرانیز، دستورلرینی تانیشتیریش و پلیاستور بیلن اپلاستور آرقهلی مشتری قولیگه اونی ییتیشتیریش مقصد، حمایتگه نیازی بار. «پلیاستور و اپلاستورده آپلود بولیشی اوچون پول توللنیش کیرهک؛ حتل گوگل ده دستلبکی ثبتنام هم خرهجت تیلهیدی و امنیتینی کوپهیتیریش اوچون هم سرمایه گه نیاز بار.»
امین شهرانیز حکایهسی، یالغیز بیر دستور توزهتووچینینگ حکایهسی ایمس؛ بلکیم قیینچیلیکلر بولگنی بیلن ینه هم سعیوحرکتدن قول تارتلمهیدیگن افغانستان دهگی ییگیتلردن قطارینینگ بوگونکی حقیقی تصویری دیر.
