بچهدان سرطانی، دنیا ده کینگ ترقهلگن سرطاننینگ ایکینچی توری و عیاللر آرهسیده اولیمگه آلیب کیلووچی همده اوزاق مدتلی کسللیکلردن بیری بولگنی بیرحالده؛ لیکن افغانستان ده عیاللرنینگ بو کسللیک توغریسیده آگاهیسیزلیگی، اولرنینگ کوپراق جبرلنیشیگه سبب بولگن. مذکور گزارشده سکیز ولایتده ۱۷ عیال بیلن صحبت بولینگن که اولردن برچهسیگه کوره، بو کسللیک و اونینگ خوفلری علایملری حقیده خبردار ایمسلر.
مملکتنینگ اوزاق ولایتلریده عیاللردن کوپ قطاری اقتصادی چیکلاولر سبب، کوپینچه قیینچیلیکلر بیلن روپهرهلر، لیکن کنر ولایتی نرنگ تومنی یشاوچیسی بولمیش نادیه، سعیوحرکت قیلیش بیلن حتا اویدن هم ایشلب و درآمد قولگه کیلتیره آلیشنی کورستگن.
اسلام شریعتی عیاللرنینگ اوز درآمدی و مال-ملکی گه مستقل ایگهلیک حقوقینی کفالتلهگن بولسه-ده، بعضی ایشلهیدیگن عیاللر عملده درآمدینی مصرف قیلیش حقوقیگه ایگه ایمسلیگینی ایتیشهدی. اولر تورموش اورتاغی یا کی عایله اعضالری تامانیدن درآمدلرینی تاپشیریش گه مجبورلنهدی؛ بو ایسه حقوقشناسلر و دین عالملرینینگ فکریگه کوره، انیق قانون و اسلام تعلیماتلریگه ضد حسابلنهدی.
ساووقدن یاناقلری کوکریب، تنهسی بیرآز تیترر ایکن، او کیچکینه قوللری بیلن اروهنی تارتماقده. گرچی بیر لحظه قوللرینی آغزیگه یقینلشتیریب ایسیتیشگه محتاج بولسه-ده، مجبوریت اونگه توختشگه امکان بیرمهیدی و بار کوچی بیلن قولیده قالگن یوکنی منزل گه ییتکزیش گه اورینهدی.
پروان ولایتیدهگی دهقانلردن قطارینینگ ایتیشلریچه، قیش موسومیده هوا ساووقلیگی، ستندرد ایسیقخانه کملیگی، منظم بازار یوقلیگی و یوقاری ایشلب چیقریش خرهجتلری، قیشده سبزهوات ایکیشنی، بو ولایتدهگی اینگ قیین زراعتی فعالیتلردن بیریگه اَیلنتیرگن.
قوریگن اوسیملیکلرنینگ میدهلنیشی سیسی، داروار دملنهلرنینگ خوشبوی هیدی و یانمه-یان ایشلهیاتگن یاش عیاللرنینگ آرام صحبتلری؛ بو ییر هر کونی یاش عیاللردن قطاری آرقهلی سنتی و اوسیملیک دارولر توزهتیلهدیگن بیر ایشخانه دیر. ایشخانهنینگ فضاسی قوریگن اوسیملیکلر هیدی بیلن تولگن؛ تیگیرمانلر آوازی، دارولر پاکتلنیشی و یاش عیاللرنینگ آرام-آرام صحبت قیلیشی، عادی اقتصادی فعالیتدن هم آرتیق سعیوحرکتنی حکایه قیلهدی.
مین هادی هادی، کابل شهریده خصوصی بیلیم یورتلردن بیریده کمپیوترساینس طلبهسی من. شونینگدیک، تیل اورگهنیش مرکزلریدن بیریده خلقارا «تافل» امتحانیگه تیارگرلیک کورهیپمن. صنعی هوش بیلن تنیشوویم ایسه کوندهلیک حیاتده تنیش بولگن بیر ایشیکدن باشلندی – اجتماعی ترماقلر و دیجیتالی دنیا آرهلیغیدهگی مکاندن.
کابل شهری یشاوچیلری، اوشبو شهرنینگ تورلی حدودلری اینیقسه گوجوم جایلری، بازارلر، موتر بیکتلری، پارکلر، کسلخانهلر اطرافی و سودا مرکزیلریده، عمومی حاجتخانهلر یوقلیگیدن شکایت قیلهدیلر. اولر گه کوره، بو ییرلرده حاجتخانه بولسه-ده، بیراق نظارت رعایت قیلینمهیدی.
افغانستان خوفسیزلیگی توغریسیده اۉزبېکستان جمهور باشلیغینینگ تشقی سیاست ایشلری بوییچه مخصوص وکیلی و اوشبو مملکت ملی خوفسیزلیک مصلحتچیسی عبدالعزیز کاملوفنینگ بیاناتیدن سونگ، بیلرمانلر، ترورچیلیک و منطقهده خوفسیزلیک تشویشلر برچه اوچون قوشمه تهدید حسابلنهدی و اونی قوشمه کورهش و همکارلیک بیلن یینگیش کیرهک دیب ایشانهدیلر.
سونگی کونلردهگی یاغینگرچیلیکلردن کیین، مملکتگه قیتگنلردن قطارینینگ ایتیشیچه، هوا ساووقلیگی، ایشسیزلیک و دستلبکی امکانیتلردن آزراق فایدهلنیش، حیات کیچیریشنی اولرگه قیینلشتیرگن.
بیرلشگن ملتلر تشکیلاتینینگ تعلیم، بیلیم و مدنیت تشکیلاتی (یونسکو) و بیرلشگن ملتلر تشکیلاتینینگ بالهلرنی قوللب-قوتلاوچی صندیغی (یونیسف)، قوشمه بیر بیانیه آرقهلی، افغانستان ده تعلیم حقی سقلهنیشی اوچون تیز و بیرگهلیکده چاره کوریلیشینی ایستهگن.
اروپا اتفاقی افغانستان بولیمی، خلقارا تعلیم کونی مناسبتی بیلن ایتیشیچه، بیرلشگن ملتلر تشکیلاتینینگ تعلیم، بیلیم و مدنیت تشکیلاتی (یونسکو) همکارلیگیده، افغانستاننینگ تعلیم بولیمیگه تورت میلیون ۷۰۰ مینگ یورو اجرهتگن.
اسلام امیرلیگی مالیه وزیرلیگی تامانیدن کیلهسی ۱۷ کون ایچیده پاکستان دن دارو وارد بولیشی توختهتیلیشی معلوم قیلینگنیدن سونگ، ولایتلردهگی دارو ساتووچیلردن قطارینینگ ایتیشیچه، بازارلرده دارولر قیمتی آشگن.
هرات شهرینینگ بیر چیکهسیده جایلشگن کیچیک بیر ایشخانه، اونلب خاتین-قیزگه امید و درآمد منبعسیگه اوزگرگن. مذکور ایشخانه بیر ییل آلدین تدبیکار بیر عیال آرقهلی آچیلیب و حاضر ایسه بو ییرده ۳۰ کیشی تورلیخیل چراغلرنی توزهتیش بیلن شغللنگن. اوشبو ایشخانهده، LED، آزمصرفلی و تزیینی چراغلر ایشلب چیقریلهدی.
کنر ولایتیده، خودکفالیک سری عیاللرنینگ عملی آدیملری آلینیشی بیلن بیرگه، اولرنینگ اقتصادی جهتدن کوچلش و امکانیتلرنی کینگهیتیریش اوچون ینگی امید ایشیکلری آچیلماقده. مذکور عیاللردن بیری اوشبو ولایت نرنگ تومنی یشاوچیسی بولمیش ۳۵ یاشر زرغونه، اوچ باله آنهسی بولیب و کیچیک بیر سبزهوات ییتیشتیریلهدیگن باغچهنی آچگن.
قیش موسومی ییتیب کیلیشی و یاغینگرچیلیکلر باشلنگنی بیلن بیرگه، کابل ده ایشچیلردن قطاری، ایش فرصتلری کمهیگنیدن خواطر بیلدیرگنلر. اولرنینگ ایتیشلریچه، هوا ساووق بولیشی همده قوریلیش ایشلری و خذمت کورسهتیش فعالیتلری توختهتیلیشی یا-ده کمهیشی، کونلیک ایش زمینهسینی چیکلهب و اولرگه حیاتنینگ دستلبکی نیازلری تامینلنیشینی قیینلشتیرگن.
