غور ده جوجه کملیگی و تاووق دانهسی قیمتی کوپهیگنی بیلن بیرگه، اوشبو ولایتده تاووق ییتیشتیریش اونلب فارم یاپیلگن.
غور ولایتی اللهیار تومنیده ۷۰۰ مینگدن آرتیق افغانی عوضیگه تاووق ییتیشتیریش بیر فارمنی آچگن بو ولایت یشاوچیلریدن بیری عبدالصبور مجیدینینگ ایتیشیچه، تاووق دانهسی قیمتی کوپهیگنی و صفتلی جوجه یوقلیگی سبب، فارمینینگ فعالیتی توختهگن. «جوجه ییتیشتیریب و بازار گه چیقرهر ایدیک، بیراق دانه و جوجهلر قیمتی کوپهیگنی سبب، فارم فعالیتی توختهدی. ۱۷۰۰ افغانی بولگن دانهنینگ ۵۰ کیلولیک بیر بوجیسی حاضر ۲مینگ ۹۵۰ افغانی ییتیشگن.»
اونینگ کوپهیتیریشیچه، وضعیت بو رقم دوام قیلیب و حکومت همده تیگیشلی موسسهلر آرقهلی کیرهکلی حمایتلر بولمهگنی صورتده، فارم ایگهلریدن کوپ قطارینینگ اوشبو ایشنی ترک قیلیشلری ممکن.
شونینگدیک غوردهگی فارم ایگهلریدن باشقه بیری حضرتگلنینگ ایتیشیچه، دانه و صفتلی جوجهلر قیمتی کمهیمهگنیگه قدر، فعالیتینینگ دوام بیریش امکانیتیگه ایگه ایمس. «ایکی مینگ تاووقدن هر مرته ۶۰۰ دن ۷۰۰ تهسی قولدن بیرهر ایدیک و بو کته ضرر دیر. ۸۰۰ مینگ افغانی سرمایه یاتقیزگن ایدیک و حاضر ۲۰ مینگ هم قالمهگن. حاضرگی جوجهلریمیز بیتگنیده و بازار وضعیتی شو رقم بولگنیده، باشقه تاوان قیلیب و ایشله آلمهیمیز.»
غور یشاوچیلری، بو ولایتده تاووق ییتیشتیریش فارملریدن قطارینینگ فعالیتی توختهگنیدن خواطر بیلدیریب و ایتیشلریچه، تاووق گوشتی تولیدی کمهیشی، بازارده اونینگ قیمتی کوپهیشیگه سبب بولگن.
اوشبو ولایت یشاوچیلریدن حبیباللهنینگ ایتیشیچه: «فارملر کوپلیگی قیمتلر اوچون یخشی دیر. غورده گوشت کوپ ایدی و قیمت هم آز. بیر کیلوسی ۱۵۰ دن ۱۶۰ افغانی ایدی، حاضر قیغو بیلن فارملر یاپیلگن و هرات همده کابل دن تاووق گوشتی کیلتیریلهدی و قیمتلر هم ۲۰۰ دن ۲۲۰ افغانیگه ییتیشگن.»
غور ولایتی یشاوچیلیردن باشقه بیری عبدالظاهر گه کوره: «حاضر تاووق گوشتی قیمتی کوپهیگن و اهالی اقتصادی اونچه یخشی ایمس که سیگیر و قوی گوشتینی ساتیب آلسه. محلی مسئوللردن بوتوغریده توجه قیلیشینی سورهیمیز.»
غور ایکینچیلیک، سووغاریش و چاروهچیلیک ریاستی مسئوللرینینگ ایتیشلریچه، اوشبو ولایتده تاووق ییتیشتیریش فارملری وضعیتیدن خبر بولیب و زراعت وزیرلیگی همکارلیگی بیلن مذکور قیینچیلیک حلی اوچون سعیوحرکت قیلهدیلر.
غور ایکینچیلیک، سووغاریش و چاروهچیلیک ریاستی تاووقچیلیک بولیمی مدیری عبدالغنی اسماعیلنینگ ایتیشیچه، بو ولایتده تاووق ییتیشتیریش قریب ۱۰۰ فارم بولیب و اولر ارا ۷۰ دن ۸۰ تهسی رسمی شکلده فعال دیر و قریب ۳۰ تهسی فعالیتدن قالگن. «فعالیتی توختهگن فارملر سببی ایسه کوپراق ترانزیتی یوللر یاپیقلیگی همده دانهلری قیمتی آشگنی دیر. شونینگدیک جوجهلر هم قیمت بولگن و ایران دن کیلتیریلهدیگن جوجهلر تلفاتی کوپراق دیر. فارم ایگهلری فارملرنینگ فعال سقلهش امکانیتیگه ایگه ایمسلر و حاضر قریب ۲۰ دن ۳۰ فارم یاپیلگن.»
غور، سوداگرلر آرقهلی دستلبکی مادهلر اینیقسه تاووق گوشتی کابل و هرات دن وارد بولهدیگن ولایتلردن دیر. بو ولایتدهگی فارم ایگهلری و یشاوچیلرینینگ ایتیشلریچه، باشقه ولایتلردن کوپ نرخ بیلن گوشت وارد بولیشی، قیمتلر کوپهیشی همده اهالیگه کوپینچه اقتصادی باسیمگه سبب بولهدی.
