غور ولایتیدن قطار منبعلرنینگ ایتیشلریچه، ناتانیش قوراللی کیشیلر بیر هفتهدن بویان مذکور ولایت مرکزی فیروز کوه شهری و لعلوسرجنگل-فیروزکوه قتناویولیده اوچ کیشی نی هزاره قومی گه تیگیشلی بولگنی اوچون، اوققه توتیب اولدیرگن.
هلاک ایتیلگن شخصلردن بیری خادمحسین، لعلوسرجنگل تومنی گه تیگیشلی گرماب قیشلاغی یشاوچیسی دیر که اوتگن کون کیچ قورون لعلوسرجنگل-فیروزکوه قتناویولیده اویی تامان قیتهدیگن بیرچاغده، «پشته گاومورک» منطقهسیده ناتانیش قوراللی کیشیلر تامانیدن هزاره بولیش جرمی بیلن اوققه توتیب اولدیرگن. خادمحسین بیر ییل آلدین تورموش قورگن ایکن.
ایکی کیچه آلدین شو قتناویولده میدانوردک ولایتی نینگ بهسود تومنی نی بیر یشاوچیسی هم، ناتانیش قوراللی کیشیلر تامانیدن اولدیریلگن ایدی.
بیزلرنینگ فیسبوک صحیفهمیزگه باش اورینگ!
مذکور حادثهلردن کمیده اوچ کون آلدین، باشقه بیر هزاره فیروزکوه شهریده ناتانیش قوراللی کیشیلر تامانیدن اولدیریلگن ایدی. اونینگ وظیفهسی کومیر ساتیش و لیلامی ساتیش ایکن.
غور ده اسلامی امارت مسئوللری، مذکور حادثهلرنی داعش گروهی گه نسبت بیرگن. عین حالده، مذکور حادثهلر مسئولیتی نی حاضرگچه بیرار گروه یاده شخص بوینیگه آلمهگن.