ننگرهار ولایتیدن دولتی بیر منبع نینگ ایتیشیچه، بوگون “سه‌شنبه” ایرته‌لب ساعت ۱۰ ده ۳ ایم‌لاوچی عیال اوشبو ولایت مرکزی جلال‌آباد شهریده ناتانیش قوراللی کیشی‌لر تامانیدن اوققه توتیلگن.
منبع نینگ کیم‌لیگی سیرقالیش‌نی ایسته‌ب سلام‌وطندارگه ایتیشیچه، مذکور ایم‌لاوچی عیال‌لر باله‌لرنی ایملش بیلن مصروف بولگن بیر حالده، ایکی فرقلی واقعه‌ده هدف آستیگه قرار بیریلگن.
منبع نینگ کوپه‌یتیریشیچه، ایم‌لاوچی‌لردن ایکی ته‌سی جلال‌آباد شهری نینگ ۷- ناحیه‌سیده تیگیشلی «لعل قاسم‌آقا» منطقه‌سیده اولدیریلیب و باشقه بیری ایسه اوشبو شهر نینگ ۴- ناحیه‌سیگه تیگیشلی «مجبورآباد» منطقه‌ده اوققه توتیلگن.
ننگرهار ولایتی بوییچه ساغلیق‌نی سقلش ریاستی مسووللری، حاضرگه‌قدر بوتوغریده فکر بیلدیرمه‌گن.
ایتیلیشیچه، اوتگن کونی مملکت ۳۲ ولایتیده پولیو گه قرشی ایملش دستوری باشلنگن ایدی. ساغلیق‌نی سقلش وزیرلیگی مسووللری نینگ ایتیش‌لریچه، ناتینچلیکلر سبب، باشقه ایکی ولایتده پولیو گه قرشی ایملش دستوری عمل‌گه آشیریلمه‌گن.
