افغانستان ایشلری بوییچه اوزبیکستان مخصوص وکیلی عصمتالله ایرگاشف، جاپان خلقارا همکارلیک ادارهسینینگ جنوبی آسیا بولیمی عمومی باشلیغی تتسویا یامادا بیلن اوچرهشگن.
اوزبیکستان تشقی ایشلر وزیرلیگی بیر بیانیه آرقهلی ایتیشیچه، مذکور اوچرهشووده ایکی تامان افغانستان اقتصادی و اجتماعی ترقیاتی بوییچه قوشمه لایحهلر عملگه آشیریلیش امکانیتلرینی محاکمه قیلگنلر.
بیانیهده کیلیشیچه، جاپان تامانی اوزبیکستاننینگ افغانستان گه نسبت یاندهشووی همده ترمز شهریده یرهتیلگن آستقورمهلرنی یوقاری بهالهگن.
شونینگدیک جاپان افغانستان اهالیسینینگ تیریکچیلیک وضعیتی یخشیلنیشی مقصدیده، تعلیم، طبیات، ایکینچیلیک، خصوصی سکتورنی رواجلنتیریش و بنگیوار مادهلر قاچاقیگه قرشی کورهش ساحهلریده اجتماعی اهمیتگه ایگه لایحهلرنی عملگه آشیریش اوچون امکانیتلریدن فایدهلنیشگه قیزیقیش بیلدیرگن.
