اسلام امیرلیگی رهبری شیخ هبتالله آخوندزادهنینگ، ۱۴۰۳ییل، آلتینچی فقره بیرینچی مادهسی فرمانیده، جمعیتده ناتوغری عرف-عادتلرنینگ آلدینی آلیش بارهسیده عیالنینگ مهر حقی رعایه ایتیلیشیگه تأکیدلنگن. فرمانده مهرنی بیلگیلشده حددن آشیش توغری ایمسلیگی، مهر عیالنینگ حقی ایکنی و باشقه هیچ کیم اونی آلیشگه حقلی ایمسلیگی قید ایتیلگن. شونینگدیک، آغیر و حددن تشقری کتته مقداردهگی مهرلر نکاح و تورموش قوریشگه توسقینلیک قیلوچی نامقبول عرف-عادتدن بیری صفتیده بهالنگن.
هلمند ساغلیقنی سقلش باشلیغی نقیبالله فاتح، اسلام امیرلیگی رهبرینینگ حکمی اساسیده، اوشبو ولایتنینگ گرشک تومنیده بیر کسلخانهنینگ قوریش ایشی باشلنگنیدن خبر بیرهدی.
مین عباس حبیبی، مکتبنینگ اون بیرینچی صنف اوقووچیسی من. مکتب دستورلری و درسلیکلردن تشقری، وقتیمنینگ بیر قسمینی تعلیم آلیش و اجتماعی فعالیت گه بغیشلهگنمن؛ چونکی کیلهجکنی بنیاد ایتیش عینن بوگوندن و منه شو صنف میزلری آرتیدن باشلنهدی دیب ایشانهمن.
مملکت اکثریت یشاوچیلری اوچون تلفون و اینترنتدن فایدهلنیش، کوندهلیک حیاتلرینینگ بیر قسمی گه ایلنگن؛ بیراق کوپینچه حدودلرده مخابرات و اینترنت خذمتلری پسلیگی یشاوچیلرنی ایریم قیینچیلیک بیلن دوچ قیلگن.
پروان ولایتی سیاهگرد تومنیده ایریم عیاللرنینگ ایتیشیچه، کیچیک توزلمه (ترشی)، رُب و محلی سوت محصولاتلری (لبنیات) ایشلب چیقریش ایشخانهسینینگ آچیش، نهفقط اولر اوچون ایش و درآمد منبعی بولگن، بلکی قیشلاق عیاللریده اوزیگه بولگن ایشانچ و کیلهجککه امیدینی هم اویغاتگن.
اسلام امیرلیگی کانلر و پترولیم وزیرلیگی سوزلاوچیسی همایون افغاننینگ ایتیشیچه، هرات ولایتیده تاپی لایحهسینینگ لوله تارتیش یونهلیشیگه عاید ایشلر دوام ایتماقده و حاضرگچه ۱۵۰ کیلومتردن کوپراق یونهلیش لوله تارتیش اوچون تیارلنگن و ۱۳۴ کیلومترنینگ نظارت ایشی عملگه آشیریلگن.
۲۱ سپتمبر، جهان تینچلیک کونیگه تینگ. دنیا بو کوننی کیسکینلیک، ماجرالر و خوفسیزلیک بارهسیدهگی رقابتلر مثلی کوریلمهگن درجهده کینگهیب بارهیاتگن بیر پیتده نشانلماقده. ایکینچی جهان اوروشیدن سونگ، میلادی ۱۹۴۵-ییلده بیرلشگن ملتلر تشکیلاتی، تشکیل ایتیلیشی بیلن تینچلیک و خلقارا خوفسیزلیکنی تأمینلش دولتلرنینگ اساسی مقصدلریدن بیریگه ایلندی.
عالی تعلیمنی دوام ایتتیریش اوچون ننگرهار ولایتیگه بارگن ایریم یاشلر، تورر جای و یشش مسئلهسیده تورلی قیینچیلیکلر بیلن دوچ ایکنلریدن شکایت قیلهدی. اولر سلاموطندار بیلن صحبتده ایتیشلریچه، خصوصی یاتاخانهلرنینگ اجاره حقی یوقاری بولیشی بیلن بیرگه، برچه ضرور امکانیتلری یوق؛ بو مسئله تعلیم آلیش جریانلریگه سلبی تأثیر قویگن.
فاریاب ولایتینینگ دشتلری و قیشلاقلریده قوروقچیلیک ایندی فقط ایکین میدانلری بیلن چیکلنیب قالمهگن؛ ییلاولر قیسقرماقده، حیوانلر آزوقهسی قیمتلشیب و کوچلی ایسیق چاروالر حیاتینی قیینلشتیرگن. سیگیر و قوی اسرهب همده اولرنی ساتیش بیلن روغاز تیبرهتیب کیلهیاتگن عایلهلر اوچون چاروالرنینگ ضعیفلشیشی شونچه کی مال-ملکنینگ کمهیشی ایمس، بلکی سوت و گوشت محصولاتلرینینگ کمهیشی، درآمدنی قولدن بیریش همده عایلهنی آزیق-آوقت بیلن تأمینلهی آلمسلیککه آلیب کیلهدی.
بدخشان ولایتینینگ ارگو، راغ و شغنان تومنلری ایریم اهالیسی، قیسقه مدت دوامیده تعلیم کورگن یا کی ییترلی تجربهسی بولمهگن شخصلر، قیشلاقلرده دارو خانه آچیب و کسللر گه اوز باشیمچهلیک شکلده دارو بیرهیاتگنلرینی ایتهدیلر.
اسلام عایلهوی حیاتده مصلحت قیلیش، اوز ارا توشونیش، حقوق و مجبوریتلر گه رعایه قیلیش همده یخشی معامله قیلیش گه کتته اعتبار قرهتهدی. حقوقشناسلر و دین علمالری هم ایر-خاتین اورتهسیدهگی عایلهوی حیات گه عاید مسئلهلرده مصلحت قیلیشنی عایلهوی مناسبتلرنی مستحکملش و یخشیلشگه تأثیر قیلوچی عامللردن بیری دیب حسابلهیدی.
اسلام امیرلیگی عالی اوقوو وزیری شیخ ندامحمد ندیم، بوگون (۲۶ سنبله/۱۷ سپتمبر، پنجشنبه) کابلده «برم» نامی آستیده خصوصی نوآورلیک و تدقیقات مرکزی آچیلیش مراسمیده ایتیشیچه، علم-فن و تدقیقاتلرنی رواجلنتیریش، ایشسیزلیک و اجتماعی معمالرنی کمهیتیریش گه سبب بولهدی.
جرمنیده روسیهنینگ ناتو دولتلریدن بیریگه هجوم قیلیش احتمالیگه قرشی، شفاخانهلر مینگلب یرهدار حربیلرنی قبول قیلیشگه تیارلنماقده. بلومبرگ نشری گه کوره، جرمنی دولت ادارهلری مملکت آست قوریلمهسی و ساغلیقنی سقلش تیزیمینینگ اوروش شرایطیده ایشلش امکانیتلرینی تیکشیرماقده.
بغلان ولایتیده، «پوزهی ایشان» ایکینچیلیک تدقیقات فارمینینگ سونگی ییللرده پخته کلکسیونی یرهتیش و مخصوص تجربهلر اوتکزیش آرقهلی قوروقچیلیک، کوچلی ایسیق و کسللیکلر گه چیدهملی نوعلرنی انیقلش و رواجلنتیریش گه حرکت قیلماقده. اوشبو مرکزده غوزه وزنی، اوسیملیکنینگ بویی، اوسیش دوری و حاصل بیریش میزانی کبی خصوصیتلر اورگنیلهدی. مقصد – کیلهجکدهگی اقلیم شرایطلریگه ماس اوروغلرنی دهقانلر گه ییتکزیب بیریش.
محبوسلرنینگ ایشلرینی ترتیب گه سالیش اداره گه کوره، حاضرگی کونده اوشبو اداره نظارتی آستیده بولگن جمعی قماقخانهلرده قریب ۱۵ مینگ محبوس سقلنهدی، اولرنینگ تخمیناً بیرمینگ نفرینی عیاللر تشکیل بیرهدی.
قوروقچیلیک و اقلیم اوزگریشی سببلی سوو تنقیصلیگی سونگی ییللرده غزنی ولایتینینگ ایریم تومنلریده دهقانچیلیک و چارواچیلیککه سلبی تأثیر قویگن. غزنی مرکزی همده خواجهعمری، مالستان، دهیک، قرهباغ و جغتوی تومنلریدهگی دهقان و باغدارلرنینگ ایتیشیچه، سونگی بیر نیچه ییل ایچیده ییر آستی سوولری سطحی سیزیلرلی درجهده پسهیگن. بیراق پسهیش درجهسی حدودلر گه قرهب فرق قیلهدی.
