محبوسلرنینگ ایشلرینی ترتیب گه سالیش اداره گه کوره، حاضرگی کونده اوشبو اداره نظارتی آستیده بولگن جمعی قماقخانهلرده قریب ۱۵ مینگ محبوس سقلنهدی، اولرنینگ تخمیناً بیرمینگ نفرینی عیاللر تشکیل بیرهدی.
محبوسلرنینگ ایشلرینی ترتیب گه سالیش اداره سوزلاوچیسی محمدنسیم لالهاندنینگ ایتیشیچه، اوشبو ادارهنینگ وظیفهسی حقوقی و جنایی جنایتلرنی صادر ایتگن محبوسلرنی سقلش دیر. او شوندهی دییدی: «حاضرگی کونده قماقخانهلرنی ترتیب گه سالیش ادارهسی نظارتیده بولگن بوتون تورمهخانهلرده دییرلی ۱۵ مینگ محبوس سقلنهدی اولرنینگ قریب بیر مینگ نفرینی عیاللر تشکیل ایتهدی. احتیاجلری بولگن برچه قولیلیکلر و امکانیتلر یرهتیلگن.»
مذکور اداره سوزلاوچیسینینگ کوپهیتیریشیچه، قماقخانهلرده محبوسلر اوچون طبی خذمتلر کورسهتیلیشی یانیده اولر گه تعلیم آلیش و کسب-هنر اورگنیش امکانیتلری یرهتیلگن. اونینگ ایتیشیچه: «تعلیمی بولیملرده هم عیاللر هم ایرککلر اوچون طبی خذمتلر کورسهتیلیشی یانیده تعلیم اورگنیش امکانیتلری یرهتیلگن؛ دینی مدرسهلر هم بار ایرکک و عیاللر گه تعلیم اورگتیلهدی و توقیز آیلیک سواد اورگهنیش کورسلری بار.»
محبوسلرنینگ ایشلرینی ترتیب گه سالیش اداره سوزلاوچیسی گه کوره، بو اداره ایش و اجتماعی ایشلر وزیرلیگی بیلن، محبوسلر آزاد ایتیلگچ اوشبو وزیرلیک تامانیدن اولر گه سرتفکت بیریلیشی گه کیلیشگن.
