بغلان ولایتیده، «پوزهی ایشان» ایکینچیلیک تدقیقات فارمینینگ سونگی ییللرده پخته کلکسیونی یرهتیش و مخصوص تجربهلر اوتکزیش آرقهلی قوروقچیلیک، کوچلی ایسیق و کسللیکلر گه چیدهملی نوعلرنی انیقلش و رواجلنتیریش گه حرکت قیلماقده. اوشبو مرکزده غوزه وزنی، اوسیملیکنینگ بویی، اوسیش دوری و حاصل بیریش میزانی کبی خصوصیتلر اورگنیلهدی. مقصد – کیلهجکدهگی اقلیم شرایطلریگه ماس اوروغلرنی دهقانلر گه ییتکزیب بیریش.
اقتصادی قیمتی یوقاری بولگنی اوچون «آلتین اوق» دیب اتلهدیگن پخته، بغلاننینگ مهم ایکینچیلیک محصولاتلریدن بیری بولیب، ولایتدهگی توقیمهچیلیک (نساجی) صناعتی و اوسیملیک یاغی ایشلب چیقروچی فابریکهلر اوچون اساسی خاماشیا منبعلریدن حسابلنهدی.
پوزهی ایشان ایکینچیلیک تدقیقاتلر عمومی مدیریتی خادمی نورالرحمان احمدزی سلاموطندار گه ایتیشیچه، اقلیم اوزگریشلرینینگ کوچهیشی و سوو منبعلرینینگ کمهیشی سببلی تدقیقاتلر اساساً ینگی شرایطلر گه ماس نوعلرنی انیقلشگه قرهتیلگن. او شوندهی دییدی: «قورغاچیلیککه مقاوم، یخشی حاصل بیریش، آفتلر و کسللیکلر گه چیدهملی همده سوودن ثمرهلی فایدهلنیش تدقیقاتلرده اساسی اعتبار قرهتهیاتگن خصوصیتلردن دیر.»
احمدزینینگ سوزلریگه کوره، مرکزنینگ یوتوقلریدن بیری قویاش ۱۴۰۴-ییلده ینگی پخته نوعینینگ سیناودن اوتکزیلگنی بولگن. اوشبو نوع بیر جریبلیک تجربه میدانی قریب ۱۲۰ سیر، یعنی ۸۴۰ کیلوگرام حاصل بیرگن. حال بوکی، شوندهی محلی اوروغلردن فایدهلنگن دهقانلر عادتده بیر جریبدن ۸۰ سیردن، یعنی ۵۶۰ کیلوگرامدن کم حاصل آلهدی. اونینگ ایتیشیچه: «امیدوارلی یوتوقلردن بیری ینگی تور پختهنی تیکشیریش – قویاش ۱۴۰۴-ییلده بغلان ولایتی پوزهی ایشان تدقیقات فارمیده سیناودن اوتکزیلدی. بو تور پخته سیناو اوچون اجرهتیلگن بیر جریب ییرده ایکیلگن و اوشبو مقدار ییردن دییرلی ۱۲۰ سیر یعنی ۸۴۰ کیلوگرام حاصل آلیندی.»
احمدزینینگ ایتیشیچه، ایکی ییللیک تدقیقات جریانی یکونلنگچ، تصدیقلنگن و سرهلنگن اوروغلر ییتیشتیریب، مملکتنینگ تورلی ولایتلریده یوزلب حتا مینگلب پختهکارلر گه ییتکزیب بیریلهدی.
شو بیلن بیرگه، زراعتنی ترغیب قیلیش عمومی مدیری عبدالله نیازی، پوزهی ایشان تدقیقات ایکینچیلیک علمی بیلیملرنی دهقانلرنینگ عملی احتیاجلری بیلن باغلشده مهم رول اوینهیاتگنینی بیلدیرهدی. او شوندهی دییدی: «بغلان پوزهی ایشان تدقیقات زراعت فارمیده اوتکزیلگن تدقیقاتلر، اقلیم اوزگریشی بیلن ماسلشیش اوچون دهقانلر گه یخشی یاردم بیرگن.»
اونگه کوره، قوروقچیلیک، کوچلی ایسیق و آفتلر کوپهیب بارهیاتگن بیر شرایطده زراعت تدقیقاتلری رشد دوریده کمراق سوو طلب قیلهدیگن و اقلیم باسیملریگه چیدهملی نوعلرنی رواجلنتیریش گه کوپراق یونهلتیریلیشی کیرهک.
بغلان ولایتی زراعت ریاستی سوزلاوچیسی ولی امرخیل ایسه، اوشبو اداره پوزهی ایشان تدقیقات دستورلرینی عملگه آشیریشده یقیندن همکارلیک قیلیشینی ایتهدی. اونینگ فکریچه: «بو همکارلیک تخنیک کمک کورسهتیش، تیگیشلی ادارهلر بیلن موافقلشتیریش، تدقیقات دستورلرینی کینگهیتیریش، ولایتنینگ تورلی حدودلریده آلینگن نتیجهلر اساسیده نمایش میدانلرینی تشکیل ایتیش، تدقیقات نتیجهلرینی دهقانلر گه ییتکزیش و تدقیقات فعالیتینی دایما نظارت قیلیشنی اوز ایچیگه آلهدی.»
اونینگ کوپهیتیریشیچه، تدقیقات نتیجهلری مزرعه کونلری، اوقوو دستورلری، نمایش میدانلری، خادملرنینگ دهقانلر دلهلریگه تشریفلری، ترغیبات ییغیلیشلری و ییتکرمهلر آرقهلی دهقانلر گه ییتکزیلماقده.
اونینگ فکریچه، تدقیقاتلر فقط پخته بیلن چیکلنمهی، بوغدای، گوریچ، جواری (مکه)، ارپه، ماش، لوبیا، نخود، عدس، سویابین، کونگه باقر (گل آفتابپرست)، زعفران، ییر یانغاق (ممپلی)، قاوون و پمیدار کبی باشقه مهم زراعت محصولاتلری بوییچه هم دوام ایتتیریلهدی.
مقصد – افغانستاننینگ اقلیم شرایطلریگه ینهده ماس نوعلرنی انیقلش و جاری ایتیش. اوشبو معلوماتلر اقلیم اوزگریشی هر ییلی افغانستان ایکینچیلیگی تاباره کوچلیراق باسیم اوتکزهیاتگن بیر شرایطده علمی تدقیقاتلر دله و کیلهجک اورتهسیدهگی مصافهنی قیسقرتیریش ممکنلیگینی کورستهدی. متخصصلرنینگ فکریچه، چیدهملی اوروغلرنی رواجلنتیریش، سوودن فایدهلنیش ثمرهدارلیگینی آشیریش و علمی تدقیقات نتیجهلرینی دهقانلر گه ییتکزیش ممکتده آزیق-آوقت خوفسیزلیگی و ایکینچیلیک محصولاتلرینینگ ایشلب چیقریشنینگ برقرارلیگینی تأمینلشنینگ مهم یوللریدن بیری دیر.
