نسایی-ولادی شفاکارلری، حیض کوریشنی قیزلر طبیعی رشدی جریانینینگ بیر قسمی صفتیده ایکنیگه تاکیدلب و ایتیشلریچه، اولردن کوپ قطاری آگاهیسیزلیک و جمعیتده ناتوغری ایشانچلر بارلیگی سبب، بو باسقیچنی قورقینچ و خواطر بیلن باشلهیدیلر. اولرنینگ کوپهیتیریشلریچه، بلاغت دوریدهگی جسمانی و روحی اوزگریشلر حقیده وقتیده معلومات بیریلیش، قیزلرگه بو باسقیچنی راحتراق اوتکزیشلریگه یاردم بیره آلهدی.
سالنگ قتناو یولی شمال و افغانستان پایتختی اورتهسیده سودا توارلرنی تشیش مهم یونهلیشلردن بیری حسابلنهدی. بو یول قیته تعمیرلنیشی اوچون تیلری موترلرنینگ باریب-کیلیشیگه چیکلاو یرهتیلگنیدن بیر آی اوتماقده. تیلری موترلر هیداوچیلردن ایریملرینینگ ایتیشیچه، بو یونهلیش یاپیلگنی سودا توارلرنی تشیشده اوزاق یوریشگه مجبور بولیب و اولرنینگ خرهجتی کوپهیتیرگن.
برازیلنینگ «ریودوژانیرو» شهریده سیاحتچیلیک بیر تیکاوچرنینگ قولشی عاقبتیده، تورت کیشی اولگن. الجزیره خبری ترماغینینگ بوگون (۱۸-اسد/۹-اگست، یکشنبه)، گزارش بیریشیچه، اوشبو واقعه شنبه کونی تیجوکا ملی پارکیده یوز بیرگن.
غزه شهریده یاردم بیرووچی کوچلری، یشش بیر بنانینگ ویرانهلری آستیدن ۱۹ جسدنی چیقرگنلر؛ بو بیلن بیرگه، شونینگدیک غزه بویلب ویرانهلر آرهسیده حاضرگچه ۸۰۰۰ دن آرتیق کیشی لادرک دیر.
نسایی-ولادی شفاکارلریدن قطارینینگ ایتیشلریچه، ناتوغری ایمیزیش اصوللری و ایمیزیکلی آنهلرنینگ آوقتلنیشی حقیدهگی ناتوغری ایشانچلر، چقهلاقلر سلامتلیگینی خوف بیلن روپهره قیله آلهدی. اولرنینگ ایتیشلریچه، حاضرگچه عایلهلردن بیر قطاری آرهسیده ایمیزیکلی آنهلرنینگ قندهی آوقتلنیشی حقیده تورلیخیل قرهشلر بار. انه شوو سبب عیاللر فایدهلی اَیریم آزیق-آوقتلردن فایدهلنمهی یا-ده کسللیکلرینی دوالش اوچون عنعنوی اصوللرگه یوز کیلتیرهدیلر؛ بو موضوع ایسه بعضا آنه سوتی کم بولیشی و چقهلاقنینگ آوقتلنیشیده قیینچیلیک چیقیشیگه سبب بوله آلهدی.
ینگیلیکده قندوز شهریده عیاللرگه مخصوص قول صناعتی ایشخانهسی آچیلگن. اوشبو ایشخانهده عیاللردن قطاری ایشلش یانیده تیکووچیلیک و قول صناعتی بوییچه تورلی مهارتلرنی اورگنماقدهلر. مذکور ایشخانه مسئولی سوژه نظامینینگ ایتیشیچه، بو مرکزنی ۳۰۰ مینگدن آرتیق افغانی سرمایه بیلن آچیب…
هرات شهرینینگ کوچهلریدن بیریده بیر ایرکک، هر کونی ایرتهلب قویاش چیقمسدن آلدین اوییدن چیقهدی. اونینگ هر ایرتنگی ایش تاپیب و شام پیتی نرسهدن توله قول بیلن اویگه قیتیش امیدی بیلن باشلنهدی؛ لیکن بو امید ایسه کوپینچه کون بو رقم بولمهیدی. ۴۵ یاشر ایشلاوچی ذبیحالله، هر کونی بو یولدن قتنهیاتگن کیشیلردن بیری دیر.
بیرلشگن ملتلر تشکیلاتینینگ اعلام قیلیشیچه، جولای آییده نوار غزه گه انسانسیورلیک یاردملر ییتکزیلیش حجمی ۳۳ فایز آشگن؛ بو بیلن بیرگه اَیریم محصوللرنینگ آلیب کیریلیشیگه قوییلگن چیکلاولر حاضرگچه سقلهنیب قالماقده. خلقارا ییتکرمهلرنینگ بوگون بیرلشگن ملتلر تشکیلاتی رسمیلریدن نقل قیلیب گزارش بیریشیچه…
سرپل ولایتیدهگی ایریم عیاللر اقتصادی قیینچیلیکلر و بعضی عایلهوی معمالر سببلی وقتیده طبی مرکزلر گه مراجعت قیله آلمهگنلرینی ایتهدیلر. جمعیت و ساغلیق بیلرمانلرینینگ تأکیدلشیچه، برچه عایله اعضالرینینگ سلامتلیگیگه دقت قیلیش و وقتیده دوالش، کسللیک ترقهلیشینی آلدینی آلیب و عایله سلامتلیگینی سقلش گه یاردم بیرهدی.
کابل ده تخنیکی و مسلکی تعلیملر ادارهسی مسئوللرینینگ ایتیشلریچه، بوگون (۱۵-اسد، پنجشنبه)، ۳۰۰ دن آرتیق طلبه قیته تیکلش انرژی منبعلری، الکتروتخنیک، ترماق و دیتابیس، برق مهندسی، موترنینگ برق سیستمی، الترونیک همده دیجیتال بولیملریده ایکی ییللیک بیر دورهنی بیتیریشدن کیین، افغان تکنولوژی انستیتوتیدن فارغ بولگنلر.
افغانستان انرژی تأمینلش اوچون باشقه وقتلر گه نسبتن حاضر ایچکی منبعلر گه کوپراق احتیاجی بار ایکن، جوزجان گاز کانلریدن هر کونی دییرلی ۶۵۰ مینگ مترمکعب طبیعی گاز قازیب آلینماقده، بو گاز مملکت برقی، کیمیاوی کود و انرژی احتیاجلریدن بیر بولیمینی تأمینلهیدی. مسئوللرنینگ ایتیشلریچه، یشش محیط و فنی ستندردلرنی رعایت قیلیش بیلن بو منبع قازیب چیقریلیشی عملگه آشیریلهدی؛ لیکن ایش بیلرمانلرنینگ آگاهلنتیریشیچه، افلاسلنتیرووچی عامللر، توپراق و سوو منبعلریگه دقیق نظارت بولمسدن بو فعالیت دوامی، یشش محیط اوچون جدی عاقبتلرگه سبب بولهدی.
افغانستان جمعیتیدن قریب اوچدن بیری مهاجرت تجربهسیگه ایگه بولیب و شونینگدیک حاضر ایسه میلیونلب کیشی قوشنی مملکتلردن باشلب، منطقه و دنیانینگ تورلی حدودلریگچه ترقهلیب کیلگن؛ لیکن شوندهی کیشیلر هم بار که اولر هیچ قچان مهاجرت یولینی تنلمهی و افغانستاننی ترک ایتیش نیتیده هم ایمس.
غزنی شهرینینگ آلتینچی ناحیهسی «قلعهی شهاده» منطقهسیده جایلشگن لایلی اوچ اتاقلیک قدیمی بیر حویلیده، ۱۶ یاشر مهدیه قربانی اسملی بیر قیز ییتی کیشیلیک عایلهسی بیلن حیات کیچیرماقده. عایلهسینینگ کته فرزندی بولگن مهدیه، دینی مدرسهلردن بیریده سکیزینچی صنف اوقووچیسی دیر. او ساده، بیراق ایجادی بیر تشبث بیلن برقی سوپیرگی توزهتیشگه موفق بولگن. مهدیهنینگ ایتیشیچه، مذکور سوپیرگینی بیریریم لیترلیک بیرته بوتل، شارژ بولهدیگن ایکیته باتری، بیرته شارژر، ساکت و بیرته پکهدن فایدهلنیش بیلن توزهتگن. او قریب بیر یریم آی آلدین بو وسیله توغریسیده ایشلشگه باشلهب و اونینگ توزهتیلیشی بیر آی وقت آلگن.
سمنگان مرکزیده تدقیقات منبعلری کملیگی و تومنلریدن قطاریده عامه کتابخانهلر یوقلیگی، کتاب اوقیش فرهنگی رواجلنیشی و تعلیمی بولیمده جدی قیینچیلیکلردن بیریگه اوزگرگن. کون اوتیشی بیلن علمی منبعلر و ینگی کتابلرگه یاشلر و طلبهلر نیازی کوپهیشی بیرحالده، کتابخانه امکانیتلری چیکلنگنی سبب، مطالعه گه قیزیققنلردن قطاری ایشانچلی منبعلرگه قول تاپیش اوچون قیینچیلیکلر بیلن روپهره بولهدیلر.
اسلام امیرلیگی سوزلاوچیسی ذبیحالله مجاهد، چین و پاکستاننینگ مخصوص وکیللری آرقهلی بیان بولگن خوفسیزلیک خواطرلریگه عکسالعمل بیلدیریب و ایتیشیچه، افغانستان بویلب امنیت تامین بولیب و هیچ بیر کیشی یا-ده گروه گه افغانستان توپراغیدن باشقه مملکتلرگه قرشی فعالیت یوریتیشگه رخصت بیریلمهیدی.
بیرلشگن ملتلر تشکیلاتی، غزه ده تینچاهالی اولدیریلگنینی قارهلب و بو منطقهدهگی ساغلیقنی سقلش قوریلمهلرنینگ سقلهنیشینی سورهگن. بیرلشگن ملتلر تشکیلاتی باشکاتبی سوزلاوچیسی اورینباسری فرحان حقنینگ ایتیشیچه…
