اسلام امیرلیگی رهبری آرقهلی خشخاش ایکیلیشی بوتونلی تقیقلنگنی اعلام بولگنی بیلن بیرگه، بیراق بدخشان یشاوچیلریدن قطاری بو ییل ینه هم اوشبو بتهنی ایکیشگه یوز کیلتیرگنلر. دهقانلردن قطارینینگ ایتیشلریچه، مناسب درآمد تاپیش بدیللری یوقلیگی و ایش امکانیتلری کملیگی، اولرنینگ مذکور ایکیننی دوام بیریشگه مجبور قیلگن.
بدخشان ولایتی ارگو تومنی یشاوچیلریدن شاهمحمدنینگ ایتیشیچه، حکومت آرقهلی اونگه ایش امکانیتی یرهتیلگنی صورتده، خشخاش ایکیشدن قول تارتهدی. «ایش امکانیتلری آز؛ بیزلرگه ایش بولگنی صورتده اوشه ایشنی قیلهمیز، کوکنار ایکیلیشیدن قول تارتهمیز؛ چونکه حاضر حیات خرهجتلرینی تامینلش اوچون بیر نیاز دیر.»
بدخشان ولایتی کشم تومنیدهگی دهقانلردن باشقه بیری گلمحمدنینگ ایتیشیچه، خشخاش ایکینی درآمدی باشقه ایکینلرگه نسبت یخشیراق دیر؛ بیراق اسلام امیرلیگی رهبری آرقهلی تقیقلهنیب و بو ییل اونینگ خشخاش ایکینی اورتهدن کیتگزیلگن.
اونینگ کوپهیتیریشیچه، خشخاش ایکینی اورتهدن کیتگزیلگنیدن کیین، کوپینچه اقتصادی قیینچیلیکلر بیلن روپهره بولگن. «خشخاش ایکینیگه بیراز امیدیمیز بار ایدی. ایکینلریمیزنی اورتهدن کیتگزگنلریده، کیلهجککه هیچ امیدیمیز قالمهدی. ایش امکانیتی یرهتیلگنی و بدیلی بیریلگنی صورتده، بونی ایکیشگه نیازیمیز قالمهیدی.»
بدخشان یشاوچیلریدن باشقه بیری زلمینینگ ایتیشیچه، مناسب بدیل تامینلنگنی صورتده، هیچ قچان خشخاش ایکینیگه یوز کیلتیرمهیدیلر. او، مسئوللردن دهقانلر اوچون اصلاح بولگن اوروغلر کبی عملی بدیللر همده سووگه قول تاپیش امکانیتی یرهتیلیشینی سورهیدی.
زلمینینگ کوپهیتیریشیچه: «حکومتدن بو توغریده جدی شکلده توجه قیلیشینی سورهیمیز. ییرلرنی سووغاریب و اهالیگه خشخاش اورنیده ایکین بیرسین که اهالی اوشبو شوم بتهدن باشقه ایکمسه.»
ایش بیلرمانلرنینگ ایشانچیگه کوره، دهقانلرگه مناسب بدیللر تامینلنگنی صورتده، خشخاش ایکینینینگ کوپراق آلدی آلینیشینی سورهیدی. بدخشان ده ایکینچیلیک ایشلری بوییچه ایش بیلرماننینگ ایتیشیچه، هینگ و زعفران کبی بدیل ایکینلر ترقهتیلیشی خشخاش ایکینی اوچون مناسب بدیل بوله آلهدی. اونینگ کوپهیتیریشیچه، خشخاش دهقانلر اوچون آسان بولیب و اولر اونی بیلهدیلر؛ بیراق هینگ و زعفران ایکینینینگ حاضرگچه اونچهلیک بیلمهیدیلر.
اونینگ ایتیشیچه: «حکومت مسئوللری اهالینی یخشی شکلده حمایت قیلسینلر؛ اهالیگه مالی نقطهی نظریدن یاردم بیرسینلر. مثلا پول بیرسینلر و اونینگ یانیده اهالیگه زعفران یا-ده هینگ ایکیلیشی اسلوبلرینی اورگتسینلر یا-ده کود یاردم بیرسینلر. نیازلری بولگن هر امکانیتنی تامین قیلسینلر. اهالی، تریاکدن باشقه هر نرسه ایککنلریده، حکومت بیزلر بیلن همکارلیک قیلهدی دیب توشینسینلر.»
شوندهی بیرحالده، بدخشان امنیه قوماندانلیگینینگ بنگیوار مادهلرگه قرشی کورهش مدیریتی مطبوعات مسئولی زینالعابدین بیدارگه کوره، جاری ییلده بو ولایتده کوکنار ایکیلگن قریب ۶۰ مینگ جریب ییر تانیلیب و اونینگ یوق قیلینیش جریانی دوام قیلماقده. اونینگ کوپهیتیریشیچه، مذکور جریان اسلام امیرلیگی رهبری بویروغی اساسیده عملگه آشیریلیب و بو بیلن بیرگه دهقانلرگه بدیل ایکین ترقهتیلیش دستورلری هم دوام قیلماقده.
اونینگ ایتیشیچه: «کوکنارنی بوزیش مقصد بیر مینگ کیشیلیک بیر قطعه توزهتیلیشی بیلن، حاضر بدخشان تومنلریده کوکنار ایکینلرینی بوزیش بیلن شغللنگنلر و بدخشان بویلب قریب ۶۰ مینگ جریب ییرده کوکنار ایکیلگن.»
بدخشان ده خشخاش کوپینچه ییللردن بیری ایکیلیب و دهقانلردن کوپ قطاری اونینگ بیراز فایدهسی و تیار بازاری سبب، بو ایکینگه یوز کیلتیرگنلر. اسلام امیرلیگینینگ قدرت گه ایریشگنی بیلن، عمومی شکلده بنگیوار مادهلر ایکیلیشی و تولید بولیشی تقیقلهنیب و بیر قطار منطقهلرده اونینگ ایکینزارلری بوزیلیش جریانی عملگه آشیریلگن؛ بیراق بدیل درآمد منبعلری یوقلیگی و ایش امکانیتلری چیکلنگنی، دهقانلر قطارینینگ حاضرگچه اونینگ ایکیشلریگه سبب بولگن.
