غور ولایتیده کتاب و مطالعه هفتهسی آتیده بیر کونلیک یول بویی کتاب کورگزمهسی، اونلب مدنیت سیورلر، اوقووچیلر، یاشلر و تورلی قتلملرنینگ اشتراکی بیلن اوتکزیلدی؛ یول بویی کتاب کورگزمهسی کتاب اوقیش مدنیتینی رواجلنتیریش و یاشلرنینگ اوقیشگه ترغیب قیلیش مقصدیده اوتکزیلگن.
غور ولایتی اخبارات و مدنیت ریاستی باشلیغی عبدالحی زعیم، اوشبو کورگزمهده اشتراک ایتگن شوندهی دییدی: «اوشبو کورگزمه جودهیم یخشی چونکی یاشلرنی کتاب و مطالعه قیلیش گه کوپراق ترغیب قیلهدی، انسان حیاتی و میهسینی اوزگرتیرهدیگن نرسه کتاب اوقیش و اونی اوقیش بیلن آدملر هدف گه ایریشیب بیلهدی.»
باشقه تاماندن غوردهگی مدنیت سیورلردن بیرقطاری، یول بویی کتاب کورگزمهسیده اشتراک ایتگنلر، جمعیتده مطالعه تأثیری و کتاب اوقیش مدنیتی رواجلنتیریلیشی گه تأکید ایتهدیلر.
اولر گه کوره، مطالعه آدملرنینگ فکری اوسیشیگه، اجتماعی معاملهسیگه، خبردارلیک درجهسی آشیریلیشی گه و حتا جمعیت اقتصادی ترقیاتیگه آلیب کیلیشی ممکن.
غور مدنیت سیورلریدن بولمیش نظرمحمد ثاقب شوندهی دییدی: «شبههسیز، فکری، علمی و اقتصاد یخشیلنیشی همده حیاتنینگ برچه جهتلریده ترقیات، کتاب و مطالعه قیلیش گه باغلیق. بیز دنیانینگ اینگ ایلغار جمعیتلریگه نظر تشلهسک، اولر بوگون علمی یوتوقلری بیلن دنیانی کیچیک بیر قیشلاققه ایلنتیرگنینی کورهمیز؛ بو ایسه انه شوندهی دستورلر و کتاب اوقیش همده مطالعه نتیجهسی دیر.»
غور یشاوچیلری هم یول بویی کتاب کورگزمهسی اوتکزیلیشینی خوش قرشیلب و بو ولایت اخبارات و مدنیت ریاستی مسئوللریدن، مطالعه قیلیش مدنیتینی رواجلنتیریش و یاشلر همده جمعیت تورلی قتلملرینی ترغیب قیلیش اوچون، بوندهی کورگزمهلر اوتکزیشنی سورهیدیلر.
اوشبو یول بویی کتاب کورگزمهسیده تورلی بولیم اینیقسه مدنیت، جمعیت، ادبیات، دین، تاریخ، اقتصاد و سیاست ساحهلریده بولگن یوزلب کتاب نمایش ایتیلگن.
