تورکیه مکتبلرینینگ درسلیکلریده، مرکزی آسیانی «تورکستان» دیب اتش رسمی شکلده کیریتیلگن.
تورکیه معارف وزیرلیگینینگ معلوم قیلیشیچه، «تورکیه عصری معرفت مادلی» دیب ناملنگن ینگی تعلیم دستوری دایرهسیده، بو مملکت درسلیکلریده مرکزی آسیا اورنیده «تورکستان» اتمهسینی کیریتگن.
مذکور وزیرلیکنینگ کوپهیتیریشیچه، دولت تامانیدن تشقریدن تحمیل قیلینگن دیب اتهلگن اتمهلر بو مملکت درسلیکلریدن بوتونلی چیقریب تشلنگن.
اونینگ سوزلریگه کوره، بوندهی اتمهلر یشاوچیلرنینگ ملی اوزلیگینی انگلشگه بیواسطه تأثیر قیلهدی. او شوندهی دییدی: «بولرنینگ برچهسی ارزیمس میده نرسهدیک کورینیشی ممکن، بیراق اولر ملت صفتیدهگی آنگیمیز گه توغریدن-توغری تأثیر کورستهدی.»
تورکیه معارف وزیرلیگی، ملی اوزلیکنی مستحکملش اوچون سعی-حرکت قیلینهیاتگنینی بیلدیرگن.
بو قرار، تورک دولتلری اورتهسیدهگی همجهتلیکنی مستحکملش و جغرافیه ناملرنی توغریلش مقصدیده آلینگنی ایتیلگن.
