افغانستاننینگ اوزاق حدود یشاوچیلری مخابرات و اینترنت خذمتلریدن فایدهلنیشده ایریم قیینچیلیکلر بیلن دوچ ایکن، بیراق کتته شهرلر یشاوچیلریدن ایریملری هم، مخابرات و اینترنت خذمتلری صفتسیزلیگی و پسلیگیدن شکایت قیلهدیلر.
سونگی ییللرده مخابرات و اینترنت خذمتلری نسبی طرزده کینگهیتیریلیشی گه قرهمسدن، هنوز هم مملکت اوزاق حدود یشاوچیلریدن بیرقطاری، صفتلی مخابرات و اینترنت خذمتلریدن فایدهلنه آلمهیاتگنلرینی ایتهدیلر.
اولر ارا، بدخشان زیباک تومنی یشاوچیلریدن بولمیش بیکمحمد احمدی گه کوره، صفتلی اینترنت و مخابرات خذمتلری یوقلیگی سببلی باشقه حدود دهگی قرینداشلری بیلن یخشی علاقه قوره آلمهیدیلر.
او، حکومت و مسئول ادارهلردن بوتوغریده جدی دقت قیلیشلرینی سورهیدی. او شوندهی دییدی: «زیباک بدخشاننینگ پاکستان بیلن چیگرهداش و اوزاق تومنلریدن بیری و هنوزگچه بو ییرده مخابراتی ترماقلر یوق و اینترنت اصلا یوق، امتیان و اتصالات شبکهلری بار و هیچ ایشلمهیدی و حکومتدن بوتوغریده دقت قیلیشنی ایستهیمیز.»
شو بیلن بیرگه، مملکت کتته شهرلریده ایریم یشاوچیلر هم اینترنت صفتی ضعیفلیگی و مخابرات خذمتلری قیمتلیگیدن شکایت قیلهدیلر. اولرنینگ ایتیشیچه، اینترنت ضعیفلیگی اولرنی کوندهلیک ایشلری، اوقیش و ایشلش ساحهسیده ایریم قیینچیلیک بیلن روپهره قیلگن.
کابل یشاوچیسی مصور گه کوره: «اینترنت جوده یم ضعیف، ینه سونگی کونلرده کوپ ضعیف بولگن اینترنت بستهلری قیمت، شونینگ اوچون بیز انده-سنده ایریم قیینچیلیک بیلن دوچ بولهمیز.»
کابل یشاوچیلریدن باشقه بیری فرشته شوندهی دییدی: «قوشنیلریمیز گه نسبتن افغانستانده اینترنت صفتی ضعیف، انده-سنده هیچ گپیره آلمهیمیز، حاضر فلتر هم بولهدی جوده ضعیف بولگن.»
برچهسی بیلن، مخابرات و تکنالوژی معلوماتی وزیرلیگی سوزلاوچیسی عنایتالله الکوزی اوشبو مناسبت بیلن ایتیشیچه، بو وزیرلیک سونگی ییللر دوامیده اوزاق حدودلرده مخابرات سایتلرینی کوپهیتیریش، دیجیتال، مخابرات ترماقلرینی کینگهیتیریش، قیمتینی ارزانلشتیریش و اینترنت صفتینی آشیریش ساحهسیده مهم ایشلرنی قیلگن.
الکوزینینگ کوپهیتیریشیچه، سونگی تورت ییل دوامیده تعیینلنگن قاعده گه تینگ ۳۰ میلیون سیمکارت رویخط گه آلینگن و شونینگدیک، مملکتده مخابرات ترماقلری صفتی آشیریلیشی ساحهسیده ۹۸ میلیون دالر سرمایه کیریتیلگن.
او شوندهی دییدی: «مملکت اوزاق حدودلریده ایکی مینگ ۵۰۰ دن آرتیق سایتلر قوریلگن، اولر ارا ۳۰۰ دن یوقاری سایت دولت بودجهسی و اترا ادارهسی تامانیدن مخابراتی شبکه بولمهگن حدودلر گه اختصاص بیریلگن.»
تکنالوژی ساحهسیده ایریم بیلرمانلر، دنیا کیلهجگی تکنالوژی گه باغلیق دیب و تکنالوژی ساحهسیده کوپراق سرمایه کیریتگن مملکتلر تیزلیک بیلن رواجلنیشی ممکن دییدیلر.
تکنالوژی ساحهسیده بیلرمان قریب آریننینگ ایتیشیچه، افغانستانده تکنالوژی آسانلیک کیلتیریش اوچون مهم بولیب و خلقارا معیارلر گه ایریشیش اوچون بوتوغریده کوپراق سرمایه کیریتیلیشی درکار.
جمعیتشناسلر هم، جمعیت رواجلنیشی و ترقیاتی اوچون اینترنت و تکنالوژینی مهم دیب بیلهدیلر. جمعیتشناس عبدالله ریحان، اینترنتدن فایدهلنیش، خبردارلیک، تعلیم، ایش امکانیتی همده اوزاق حدود یشاوچیلری اورتهسیدهگی مصافهنی کمهیتیریش گه ایشانهدی.
دنیا کوتیلمهگن درجهده دیجیتالی بولماقده ایکن و کوپینچهلر تکنالوژی کینگهیتیریلمسدن و صفتلی اینترنتسیزلیک بیلن دایمی ترقیات گه قوله تاپه آلمسلیککه ایشانهیاتگن بیر پیتده، خلقارا مخابرات و تکنالوژی کونیدن نشانلنماقده.
۱۷ می، خلقارا مخابرات اتفاقی میلادی ۱۸۶۵ ییلده تشکیل ایتیلگنلیگی مناسبتی بیلن بیلگیلنگن، علاقه، اینترنت و تکنالوژی اهمیتی حقیده جماعتچیلیک خبردارلیگینی آشیریش مقصدیده نشانلنهدی.
۱۷ می، میلادی ۲۰۰۶ ییلده خلقارا مخابرات اتفاقی تامانیدن، تکنالوژی اهمیتی و اونینگ اقتصاد همده جمعیت رواجلنیشی ساحهسیده بولگن رولی حقیده خبردارلیک قیلیش مقصدیده، خلقارا مخابرات خبردارلیک جمعیتی اولهراق تعیینلندی.
