بلخ مرکزی مزارشریف شهریده اسلام امیرلیگی باش وزیرینینگ اقتصادی اورین باسری ملا عبدالغنی برادر حضوری بیلن، «لاجورد یشش مجموعهسی» اسمی آستیده، یشش بیر مجموعهنینگ تمل تاشی قوییلگن.
سکیز بنا و ۱۵۰ میلیون دالر عوضیگه قوریلهدیگن اوشبو مجموعهنینگ قوریلیش ایشی اوتگن سهشنبه کونی باشلنگن.
لاجورد یشش مجموعهسی باشلیغی فدامحمد رووفینینگ ایتیشیچه، اوشبو کمپلکس ۴۳ مینگ مترمربع ییرده، ۲۷ قوتلی تورت بنا و باشقه ۱۷ قوتلی تورت بناده قوریلیشی ممکن.
اسلام امیرلیگی باش وزیرینینگ اقتصادی اورین باسری، مملکتده آستقورمه و آبادانچیلیک ریجهلر عملگه آشیریلیشیگه تاکیدلب و ایتیشیچه، بو کبی مجموعهلر قوریلیشی ایش امکانیتلرینی یرهتیش یانیده، بلخ اقتصادی ارزشینی هم کوپهیتیرهدی.
ایتیلیشچه، یشش مجموعه زمانهوی شهر خذمتلرینی کورسهتیشگه علاوه، قریب ییتی مینگ کیشیگه ایش فرصتینی هم یرهتگن.
