د ملګرو ملتونو د خوړو نړیوال پروګرام وايي، د هرات زلزلهځپلي لا هم تر خیمو لاندې اوسېږي او سختې شپې او ورځې تېروي.
دغه پروګرام نن پر خپلې اېکسپاڼې لیکلي چې یاد زلزلهځپلي اوس د واورې توپان سره هم مخامخ دي.
د خوړو نړیوال پروګرام زیاته کړې چې په هرات کې یې له ۳۰۰۰ زیاتو زلزلهځپلیو ته بیړني خواړه برابر کړي دي.
که څه هم په کور دننه او بهر د هرات زلزلهځپلیو د لاسنیوي په موخه په بېسارې توګه مرستې راټولې شوې، خو د راپورونو له مخې، یادې مرستې اړمنو کسانو ته سمې نهدي رسېدلي او لا هم ګڼشمېر زلزلهځپلې کورنۍ سختې شپې او ورځې تېروي.
