په افغانستان کې د ملګرو ملتونو ځانګړې استازولۍ یا یوناما په یوه ټويټ کې د کابل وزیر محمداکبرخان جومات مخې ته چاودنه غندلې او هغه یې ترهګریز برید بللی دی.
یوناما د دې چاودنې د قربانیانو له کورنیو سره غمرازي کړې او ټپیانو ته یې د بیړنۍ روغتیا هیله څرګنده کړې ده.
نن ماسپښین د جمعې له لمانځه وروسته د کابل ښار د لسمې امنیتي حوزې اړوند د وزیر محمداکبرخان جامع جومات مخې ته درنه چاودنه وشوه.
د کابل امنیې قومانداني ویاند خالد ځدران سلام وطندار ته ویلي چې ياده چاودنه کې اووه ملکیان وژل شوي او ۴۱ نور ټپیان شوي دي.
د هغه په خبره، چاودنه یوه موټر کې د چاودېدونکو توکو د چاودنې له کبله شوې ده.
