کندوز کې له نن (سهشنبه د تلې ۲۶مه) سهار راهیسې یوه ډله وسلهوال کسان له اسلامي امارت سره پر نښته بوخت دي.
د کندوز د امنیې قومنداني ویاند عبیدالله عابدي وايي، د اسلامي امارت ځواکونو کندوز ښار کې هغه ډله وسلهوال چې د ښار امنیت پر ګډوډولو تورن دي، د ښار په یوه څنډه کې پېژندلي او تر کلابندۍ لاندې دي.
د نوموړي په وینا، دغه ډله اوس د کندوز ښار دویمې امنیتي حوزې اړوند یوې ودانۍ کې کلابندي دي او امنیتي ځواکونه یې د نیولو هڅه کوي.
عابدي زیاته کړې چې د یادې پېښې جزییات به وروسته له رسنیو سره شریک کړي.
