سلاموطندار د هېواد په ۱۲ ولایتونو کې د ۳۰۵ نجونو او هلکانو په ژوند کې د هدف لرلو کچې ارزونې په موخه سروې کړې چې د یادې سروې پایلې ښيي، ۶۰.۹سلنه ځوانان ژوند کې مشخص هدف لري او ۳۹.۱سلنه یې له هدف پرته ژوند کوي.
د سروې ۳۹.۱ سلنه ګډونوال چې ژوند کې هدف نهلري، د ښوونیزو مرکزونو دروازو تړلکېدل، افغانستان کې د کار زمینې نشتون او هېواد کې د شتون انګېزه، هغه لاملونه یادوي چې له امله یې دوی ژوند کې له هدف لرلو لاس په سر کړې دي.
د سلاموطندار پښتو فېسبوکپاڼه وڅارئ
هغه ځوانان چې بېهدفه دي، ۷۵.۸سلنه یې د خپلې بېهدفۍ لپاره ځانګړی دلیل نهدرلود، او ۲۴.۱سلنه هم راتلونکې ته د هیلې نهلرلو له امله بېهدفه دي.
د تخار اوسېدونکی ۲۴کلن ذبېحالله وايي: «تالقان ښار کې هټۍ لرم، ۱۸کاله مې زدهکړې کړي او ماسټري لرم، اوسنیو شرایطو ته په پام افغانستان کې ژوند پاتې کېدل، راته ډېر اړین دي.»
د جوزجان اوسېدونکې رویا بیا وايي: «د ښوونځي دولسم ټولګي کې وم چې امارت راغی او ډېر هدفونه مې لرل. له بدهمرغه چې ټول پای ته ورسېدل، د امارت په راتلو، اوس مدرسې ته ځم، غواړم ډاکټره شم، خو ونهشو.»
هغه ځوانان چې ځانګړی هدف لري، ۶۴.۳سلنه یې د زدهکړو هدف، ۲۱.۶سلنه یې شغلي هدف، ۷.۵سلنه یې کډوالي، ۴.۸سلنه یې د شتمن کېدو او ۱.۶سلنه یې هم غواړي چې یوازې ځان ته پرمختګ وکړي.
د کابل اوسېدونکې ختیمه چې د انګلیسي ژبې له ادبیاتو فارغه ده، وویل: «هدف لرم او هدف مې یوه بهرني هېواد ته ځان رسول دي، د زدهکړو دوام لپاره غواړم ماسټري وکړم.»
د سرپل اوسېدونکي غلامسخي وویل: «له نېکهمرغه چې لېسانس یم، ژورنالیزم کې مې زدهکړې کړي او هدف مې دا دی چې غواړم تر ماسټرۍ او دوکتورا دوام ورکړم.»
په ورته مهال ټولنپوهان د یوې ټولنې بنسټییز رکن ځوانان یادوي او وايي چې د دوی فعالیتونه د یوې ټولنې وده کې اغېزمن رول لري.
ټولنپوه شفیقالله انصاري وویل: «هدف لرل، د دې لامل کېږي چې ځوانان خپلو کارولو لپاره انګېزه پیدا کړي، د مسوولیت احساس وکړي او اقتصادي وده کې اغېز لري، که ځوانان هدف ونهلري، ډېرې ټولنیزې ستونزې به ولرو او دا بېهدفه ځوانان ښايي روږدې شي او د اقتصادي ودې د کمښت شاهدان به وو.»
ارواهپوهان وايي چې اوسنیو شرایطو د ځوانانو پر تمرکز اغېز کړی او لامل شوی چې ځوانان ونهشي کړای چې د خپلو اهدافو په اړه فکر وکړي.
د رواني چارو لارښود څېړونکی حسین کاظمي وویل: «کله چې انسان په سختو روحي شرایطو کې وي، تمرکز نهشي کولای او دا د حل لاره نهده چې یوې څنډې ته کېښنې او هدف ونهلرې، موږ کولای شو چې هر څه ومنوو او تاسو خپلو موخو ته د رسېدو لپاره هڅه وکړئ.»
په دې سروې کې د جنسیت له پلوه د ګډونوالو شمېر هم ارزول شوی چې د سروې ۵۸سلنه ګډونوال مېرمنې او ۴۲سلنه یې نارینه دي. د سروې ۴۲.۶سلنه ګډونوال زدهکوونکي، ۳۲.۷سلنه لېسانس، ۱۷سلنه له دولسم ټولګي فارغ او ۷.۵۴سلنه هم نالوستې دي.
د سروې ۴۵.۹سلنه ګډونوال د ۲۰ او ۲۵کلونو ترمنځ عمرونه لري او ۳۰.۱۶سلنه هم له ۱۵ تر ۲۰ کلن دي. د ۲۵ او ۳۰ کلونو ګډونواله سلنه ۱۳.۱۱ ده او ۱۰.۱۸سلنه هم ۳۰ تر ۳۵کلونو عمرونه لري. پایلې ښيي چې ۶۰.۹سلنه ځوانان مشخص هدفونه لري او ۳۹.۱سلنه هم له هدف پرته ژوند لري.
د دې سروې د پایلو پر بنسټ، د سروې ۴۰سلنه ګډونوال هدف نهلري، هېواد کې د وروستیو تحولاتو له امله ګڼشمېر ځوانان بهرنیو هېوادونو ته د تلو لپاره زړه ښه کړی دی.
