ټاکل شوې چې د پاکستان کرېکټ «سوپر لیګ» شل اووره سیالي نن شنبه د فبرورۍ ۱۷مه د دغه هېواد په لاهور ښار کې پیل شي.
د یاد لیګ په لومړي لوبه کې به لاهور قلندرز له اسلاماباد یونایټډز سره لوبه وکړي. دغه سیالي به نن شپه ۷:۳۰ بجې د لاهور په «قذافي کرېکټ لوبغالي» کې ترسره شي.
د سلاموطندار پښتو فېسبوکپاڼه وڅارئ
په دغه لیګ کې ټولټال شپږ لوبډلې «پېښور زلمي، کوټه ګلېډیېټرز، لاهور قلندرز، ملتان سلطانز، اسلاماباد یونایټېډ او کراچي کېنګز ګډون لري چې د یوه بل پر وړاندې به لوبې وکړي.
د پاکستان کرېکټ «سوپر لیګ» نهم پړاو سیالي به د روانې فبرورۍ میاشتې له ۱۷مې پیل او د مارچ تر ۱۸مې به دوام وکړي.
د یاد لیګ تېر پړاو اتلولي لاهور قلندرز لوبډلې ګټلې او سږکال به له خپلې اتلولي دفاع کوي. افغان ستوری راشدخان چې د لاهور قلندرز لوبډلې له پیاوړو لوبغاړو شمېرل کېږي، سږکال به دغو سیالیو کې د ټپ له امله ونهلوبېږي.
همداراز ځینې نور افغان لوبغاړي هم د یاد لیګ د لوبډلو له لوري اخیستل شوي چې سږکال به د یاد لیګ د سیالیو برخه هم وي.
