د اوبو او برښنا وزارت چارواکي وایي چې دغه چکډېمونه د تېرو شپږو میاشتو پر مهال د ۱۷ میلیونه افغانیو په مالي لګښت جوړ شوي دي.
د یادو چکډېمونو پرانېستغونډې ته د اوبو او برښنا سرپرست عبداللطیف منصور وویل، اوبو او برښنا وزارت د لوګر په ګډون په ګڼو ولایتونو کې د لسګونه ذخیروي بندونو او چکډېمونو د جوړېدو چارې پیل کړې دي.
د سلاموطندار پښتو فېسبوکپاڼه وڅارئ
نوموړي دغهراز زیاته کړه چې دغه چکډېمونه او ذخیروي بندونه کولای شي چې د ځمکې لاندې اوبو سطحه لوړه او د سېلابونو مخنیوی وکړي.
منصور زیاته کړه چې په یادو پروژو کې ۵۰۰ کسانو ته د شپږ میاشتو لپاره د کارکولو زمینه برابره شوې او پرانېستل شوي چکډېمونه د ۳۶زره متره مکعبه اوبو ذخیرهکېدو ظرفیت لري.
باید وویل شی چې تېره ورځ هم د اوبو او برښنا وزارت له لوري د محمداغې ولسوالي د «سرخاب» اوبو بند د بیارغونې چارې پیل شوې چې یاد بند به د شاوخوا ۱۱میلیونه افغانیو په مالي لګښت په پنځه میاشتو کې جوړ او ګټېاخیستنې ته وسپارل شي.