د ننګرهار امنیتي مسوولان وایي چې د دغه ولایت په مرکز جلالاباد ښار کې د ټرافیکي پېښې په پایله کې اته تنه مړه شوي او دوه نور ټپیان شوي دي. د چارواکو په وینا، په دې پېښه کې د څلورو ښځو او یو ماشوم په ګډون اته کسان مړه شوي او دوه نور ټپیان دي. دوى وايي چې ټپیان د درملنې په موخه د جلالاباد ښار حوزوي روغتون ته لېږدول شوي دي.
د غزني د امنيې قومانداني وياند سيداسحاق صالح وايي، پېښه پرون ناوخته د غزني د مرکز اړوند د کوتل روضې په سیمه کې هغه مهال رامنځته شوه چې يو کرولا ډوله موټر له سرک څخه واوښت.
د لغمان ولایت محلي چارواکي وايي چې د دغه ولایت د ملي امنیت رییس مولوي الفت هاشمي بېګاه د محترلام ښار اړوند په قرارګاه سیمه کې په یوې ټرافیکي پېښه کې مړ شوی دی. د لغمان لپاره د اسلامي امارت د والي ویاند صلاحالدین زاهد ویلي، دغه ټرافیکي پېښه هغه مهال رامنځ ته شوې چې د ملي امنیت رییس محترلام ښار کې پر ګزمې بوخت و.
د ننګرهار سیمهییز مسوولان وايي، د دغه ولایت د شينوارو ولسوالۍ اړوند مارکوه بازار ته څېرمه سیمې کې د ټرافیکي پېښې د رامنځته کېدو له امله دوه تنه مړه شوي او درې نور ټپیان دي.
د زابل د والي سکرټر عبدالحکیم حاکمي سلاموطندار ته ویلي چې دا ټرافیکي پېښه پرون مازدیګر د دغه ولایت په مرکز کلات ښار کې له یوه ټونس سره د ۴۰۴ ډوله موټر د ټکر له امله شوې ده.
د نوموړي په وینا، په دې ټرافیکي پېښه کې ۱۴ کسان مړه شوي او ۱۰ نور ټپیان دي.
د زابل د ولایتي روغتون سرطبیب نذیر حریفال وايي، ټپیان روغتون ته ور وړل شوي چې د دوو هغو روغتیايي وضعیت نازک دی.
د ننګرهار چارواکي وايي چې نن له غرمې وروسته نږدې یوه بجه د دغه ولایت په کامې ولسوالي کې ټرافیکې پېښه شوې چې له کبله یې درې کسان مړه او درې نور ژوبل شوي دي.
د ننګرهار د والي ویاند عطاالله خوږیاڼي سلاموطندار ته وویل چې یاده پېښه د کامې ولسوالي په اخوند کلا سیمه کې د یوې هېنو او رېکشا د ټکر له امله شوې ده.
د هرات روغتیايي مسوولان وايي چې د هرات-کندهار پر لویې لارې یوې ټرافیکي پېښې ۵ کسان مړه کړي او ۲۰ نور یې ټپیان کړي دي.
د بدخشان محلي مسوولان وايي چې پرون یوه سراچه ډوله موټر د دغه ولایت د بهارک-فیضاباد پر لویې لارې د کوکچې سیند ته لوېدلی او پهکې سپاره ټول کسان مړه شوي دي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
