د بامیان امنیتي مسوولان وايي، د دغه ولایت په مرکز «بامیان ښار» کې یوه ۱۳کلن هلک ځانوژنه کړې ده.
د بامیان د والي ویاند فرزان سیغاني سلاموطندار ته ویلي، پېښه شنبه د غبرګولي ۱۳مه د بامیانو ښار «زرګران» سیمه کې رامنځته شوې ده. هغه د یادې ځانوژنې د لاملونو او انګېزې په اړه څه نه دي ویلي، خو یوې سرچینې سلاموطندار ته ویلي، دغه هلک د خپلې کورنۍ غړیو سره تر لفظي شخړې وروسته ځانوژنه کړې.
د کندهار د والي ویاند حاجي زید سلاموطندار ته ویلي چي یوه ۱۶ کلن هلک د دغه ولایت د څلورمې امنیتي حوزې اړوند د خوشکیار کرنیز مارکېټ په دویم پوړ کې ځان را ځړولی او وژلی دی.
د کاپیسا د امنیې قومانداني مسوولان وايي، یوه ۱۴ کلن هلک د دغه ولایت په تګاب ولسوالي کې ځان را ځړولی او وژلی دی.
فاریاب کې یوه سرچینه وايي چې دغه ولایت کې یوه پلار له هلک سره د اړیکې لرلو په تور خپله لور وژلې ده.
دا پېښه د جمعې په ورځ د فاریاب د بلچراغ ولسوالي په قورچي سیمه کې شوې ده.
د ازموینو ملي اداره نن شنبه د لړم ۱۴مه د یو لړ مراسمو په لړ کې د ۱۴۰۱ کال د کانکور د ازموینې پایلې اعلان کړې. د یادې ادارې د اعلان مخې، سږ کال له هرات ولایت څخه د سلیمان ولد غلام جیلاني په نوم یو زدهکوونکی په ۳۵۵ نمرو د سږني کانکور عمومي اول نمره اعلان شوی دی.
د ننګرهار محلي مسوولان وايي چې د دغه ولایت په «دره نور» ولسوالي کې یوه ځوان هلک ځانوژنه کړې ده.
د ننګرهار د امنیې قومنداني ویاند حاجي رییس زابلي سلاموطندار ته ویلي، پېښه پرون دوشنبه د تلې ۱۸مه د دره نور ولسوالي په «قلعه شاهي» سيمه کې رامنځته شوې ده. زابلي زیاته کړې، ياد هلک چې اتلس کاله عمر لري، د نارنجو په يو باغ کې په یوې ونې ځان راځړولى و.
په کندهار ولایت کې يوه سرچينه چې نه غواړي نوم يې واخیستل شي، سلاموطندار ته وايي چې د کندهار ښار د اوومې امنیتي حوزې په اړوند سیمه کې د يوه وژل شوي کس جسد موندلی شوی دی.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
